CHAPTER 49

AMBER RIZALYN JOY...

Nagising s'ya na parang naaamoy si Howald. Idiniin n'ya ang kan'yang ilong sa unan na gamit at ninamnam ang amoy ng binata.

Ngunit ng maalala ang lalaki ay mabilis s'yang napabalikwas ng bangon at doon lang napagtanto na alas nwebe na pala ng umaga.

Inilibot n'ya ang tingin sa buong silid para lang manlaki ang mga mata dahil alam n'yang nasa loob s'ya ng kwarto ni Howald.

"Kung ganon dito ako nakatulog?" mahinang tanong n'ya sa sarili. Nilingon n'ya ang kama at nakita n'yang gusot ang parte na nasa tabi n'ya na ang ibig sabihin ay doon din natulog si Howald at magkatabi sila sa higaan.

Parang gusto n'yang maglaho dahil sa kahihiyan. Naitakip n'ya ang mga palad sa mukha at pilit na inaalala ang nangyari kagabi. Isa-isa namang dumaloy sa kan'yang isip ang nangyari pati na ang dahilan kung bakit s'ya hinimatay.

Nang maisip ang bagay na iyon ay walang pasubaling tumakbo s'ya palabas ng kwarto at binaybay ang daan patungo sa hagdan.

Mabilis ang mga kilos na bumaba s'ya