Special Chapter 10

“Ah, sige sige, hija. Masama ba ang pakiramdam mo?”

Umiling ako. “Tinatamad lang po akong bumaba.”

“Ah, okay sige. Ikaw ang bahala.”

Sinabi ko na kay Ate Minda na hindi na ako bababa ngayong araw lang na ito. Gusto ko nang magkulong lang sa silid. Ayaw ko munang makaharap si Harry ngayon. Kapag maayos na ako ay lalabas din ako at makikipagplastikan sa kaniya hanggang sa pwede na akong umalis dito.

Simula noong marinig ko iyon ay nagbago ang isipan ko sa pag-stay dito. Pwede ko naman sigurong pakiusapan si Hades na mamuhay ulit ako ng normal kapag lumamig na ang sitwasyon.

Nakahiga lang ako hanggang tanghali. Nanood ng TV naman no'ng maghapon. Kaya lang mga bandang seven nang tumunog ang telephone malapit sa mini sala ng silid. Ngali-ngali ko iyong sinagot.

“Hello? Sino po ito?”usisa ko sa kausap.

“Lelane.. Lelane...” Isang mabigat na buntong hininga at tawa ang pinakawalan nito sa huli.

Napakunot ang noo ko. Paano niya nalaman ang pangalan ko? Hindi ko pa naman iyon nasasabi sa k