Chapter 2

CHAPTER 2

“Oh, anak? Akala ko bang kasama mo si Emilia?” tanong ng kanyang ina.

Nagkakamot ng ulo si Maya at tumabi sa kanyang ina. “Eh, hindi na ma. Dito na lang muna ako at magtitinda muli ng gulay.”

“Sige at sumakay ka na sa pedicab. Mukhang maniningil na ng upa ang may-ari. Baka palayasin na tayo kung ‘di pa rin tayo makakabayad,” giit ng kanyang ina at sumunod naman si Maya.

Tirik ang araw at diretso lang sa paglalako ng paninda si Maya hanggang sa hindi niya namalayan na ang banyaga na kanyang hinatiran ng gamit ay nakatitig sa kanya habang umiinom ng buko.

“Oh my gosh! You again!” Sigaw ni Maya at mabilis na dinuro ang lalaki pagkatapos ay pinadyak ng mabilis ang pedal.

“Wait! Wait! Hey Miss!” 

“No! I don’t like! Mahirap kang kausap!” Bulalas ni Maya ngunit nahabol pa rin siya ng binata. Hinablot nito ang kanyang pedicab at tinapakan ang gulong.

“Hey, you go! Ma-fa-flat ang gulong ko!”

“Why do you hate me so much? I am here to apologize and to say thank you for delivering my things,” pagpapaliwanag nito. Si Maya na tulala lang at nakatitig naman sa namumulang pisngi ng binata. Akala mo’y kamatis na napakapula. “I brought you some chocolates,” dagdag nito at inabot kay Maya.

“T-thank you, mabait ka naman pala. Nga pala, umalis ka na at kailangan ko ng magbenta.”

“What?” mapang-asar na tanong ni Dave kahit naiintindihan naman niya ang sinabi ng dalaga.

“I need to go. Thanks for this!”

“What’s your name?”

“I am Maya, how about you?”

“Dave Gray.”

“Oh, I’ll go ahead. Thank you!”

“Wait, how much is this? I’d like to buy it.”

Tila nagliwanag ang mundo ni Maya nang dumukot sa pitaka si Dave ng pera.

“Depends sa kilo. What vegetable do you like?”

“All.”

“Seryoso ka? I mean, serious you?” alinlangan niyang sinabi.

“Yeah, I need this food. So tell me, how much?”

“This is worth one thousand. Including the tuyo and itlog na maalat.”

“Okay, here. Help me pack these foods."

Agad naman sumunod si Maya kaya heto at bumaba siya ng pedicab, tinulungan na rin ang banyaga. 

Agaw atensyon ang nangyari, nakatingin ang mga naiinggit na mga mata kay Maya. Lalo na’t hindi naman makakaila na kahit napakasimpleng dalaga ni Maya, marami rin nagkakagusto sa kanya dahil sa galing niya sa pagtitinda.

“Thanks for this, Maya. I hope we can meet again.”

“Ang hirap mo kasing kausap. Bumabaluktot ang dila ko,” reklamo ni Maya at itinaas ang paa para abutin ang bisikleta.

“I’ll help you,” mabilis na sinabi ni Dave para mabuhat ang dalaga.

“No! Good! Good! Bye! Thank you again, Dave!”

Nang maiwan si Dave habang nakatayo sa tirik na araw, hindi mawala sa labi niya ang labis na ngiti. “She looks innocent. I'd better ask Aling Sale about her. I still have three months to live here in the Philippines.”

“Ma! Ma!”

“Anak? Aba ubos ang paninda?”

“Opo! Diyos ginoo at pinakyaw ng cano!” 

“Talaga? Aba, beauty pang cano ka anak!”

“Mama naman, umuwi na tay—" 

“Maya!” Hindi natapos sa pagsasalita si Maya nang bigla niyang marinig ang pangalan mula kay Emilia. “Maya! Halika at samahan mo ako!”

“Ha? Teka asan ang kasama mo?”

“Eh nandoon… hi Tita! Mano po,” bati niya. 

“Saan mo dadalhin ang anak ko, Emilia?” tanong ng kanyang ina.

“Eh d’yan lang po. Mabilis lang tita, hindi po kami masyadong gagabihin.”

“Sige, Maya… babalik agad ha? Alam mong maraming nagrerecruit dito para maging GRO!”

“Opo mama.”

Sa madaling salita pumayag ang kanyang ina na sumama kay Emilia. Dinala ni Emilia siya Maya sa kanilang bahay para pahiramin ng magandang damit at inayusan na rin gamit ang kolorete.

“Emilia, bakit kailangan pulang-pula ang lipstick?”

“Kailangan iyan para mapansin ka! Itong nakilala kong cano, mabait naman at hindi garpal sa laman. In short, mabait talaga."

“Sigurado ka ba. Baka naman nagbabalat kayo lamang.”

“Eh hindi naman. Sinasama nga niya tayo. Marami raw kasing pumupunta sa kainan na iyon. Tsaka mukhang sigurado itong nakilala ko. Baka ikaw din ay makakilalang mabait.” 

Pagtapak ng gabi, mailaw at napaka ingay ng paligid malapit sa dagat. Nagkakasiyahan ang mga banyaga at ilang mga Pilipino. Magkasama si Fred at Dave dahil ito ang pinaka na miss ng binata. Tunay na nagustuhan din niya ang pagkain sa Pilipinas kaya kapag alam niyang babalik siya sa bansang ito ay siguradong hindi pwedeng ‘di siya titikim sa bawat pagkain na inihain.

“Paano ba iyan Dave? Would you like to taste these girls?” tanong ni Fred habang hawak ang isang bote ng beer.”

Umiling-iling si Dave at akala mo’y nalukot na parang papel ang mukha nang makita ang ilang kasamahan na hayok sa laman.

“No, I’d rather choose a decent woman. Not like this,” tugon niya at lumingon sa paligid. 

Pare-pareho ang kanyang nakikita hanggang sa binalik ang mga mata sa kanyang kaibigan.

“You actually have a point. Just like my wife. Walang katulad sa mga nakikita kong babae rito.”

“I found someone earlier, hindi ko lang alam pero akala mo’y natatakot sa mga taong lalapit sa kanya,” tugon ni Dave.

“Really? Who? Tell me, describe her! Baka matulungan kita!”

“She brought me my bedsheets, kaya alam kong kilala siya ni Aling Sale. Aside from that, nagtitinda siya ng gulay sa pedicab.”

“Eh, binili mo sana!”

“Of course, kaso akala ko sasama na sa akin. But she’s not. That’s why I like her! I think she’s different from these girls around us.”

Suot ang maikling itim at kumikintab na palda, sleeveless  pati ang kolorete na nagbigay angat sa ganda ni Maya kung kaya’t pumukaw ang atensyon ng mga banyaga sa kanya habang kasama si Emilia.

“Emilia!” Bati ng banyaga na siyang nakilala ni Emilia.

“Hey!”

“Let’s go now, we are going to have a date.”

“I’m with my friend.”

“No, it’s just the two of us.”

Napatingin si Maya at halos murahin na niya sa kanyang isip ang banyaga na nakaakbay sa kanyang kaibigan.

“Emilia, okay lang ako. Sumama ka na, huwag na huwag ka lang iinom ng alak kung ayaw mong matulad sa mga nabiktima nila.”

“O-okay, pasensya ka na. Gusto talaga kitang isama.”

Tumango na lang si Maya hanggang sa tuluyang umalis ang kanyang kaibigan. Sa pag-upo ni Maya sa tabi, hindi niya naiwsan na mairita sa kanyang suot dahil sa panay na titig ng dalawang banyaga.

“She looks hot.”

“Come on, let's try her,” pagulak ng isang banyaga sa kasamahan upang lumapit kay Maya.

“Hey gorgeous!”  pag-akbay ng binata 

at hinimas ang kanyang balikat.

Napatagilid si Maya at gusto niyang umiwas pero hinigpitan ng lalaki ang pagkakahawak sa kanya.

“Bitiwan mo ako,” angal ni Maya ngunit ang kamay ng isa pang dayuhan ay humawak sa kanyang puwitan.

“Hmm, ano ba?!” 

Kahit anong palag ni Maya, walang pumapansin sa kanya, kahit pa ang kapwa niyang kababaihan na nakikita ang ginagawa ng mga ito sa kanya.

Mula sa hindi kalayuan na puwesto, nahagip ng mga mata ni Dave ang kumosyon sa pagitan ni Maya at dalawang kasamahan.

“Hey, Dave! Saan ka pupunta?”

“Just stay here,” asik ng binata at agad hinubad ang suot na jacket pagkatapos ay lumapit kung saan binabastos si Maya.

“Maya!” Tawag ni Dave kaya napatingin ang dalawang banyaga.

“Hey Mr. Gray!” Giit ng dalawang binata.

“Bro! Look at this hot Filipina beside me! She’s good to fuck!” Bulalas ng isa pang dayuhan.

Naintindihan ito ni Maya kaya nagmadali siyang tumakas sa bisig ng binata. 

“Maya! Maya!” Tawag ni Dave.

“Dave, don’t chase her! There are lots of Filipinas here!”

“Shut the fuck up and don’t mess my woman!” Pagalit na sinabi ni Dave kaya nagtaka ang dalawa niyang kasamahan.

Hinabol ni Dave si Maya at umaasa siyang makita niya ito, hanggang sa mapansin niya ang babaeng nakaupo sa kalsada habang hawak ang paa.

“Maya!”

“Huwag kang lalapit! Bastos ka! Bastos kayo!” Bulalas ni Maya habang hawak ang takong at mukhang ibabato sa mukha ni Dave.

“No! I was there to save you from my dick friends.”

“Dick? Dick mo mukha mo! Bastos ka! Akala mo sasama ako dahil ganito ang suot ko?! Akala mo patakbuhin din akong babae?! Kahit hindi ako nakapag-aral at napakahirap ng buhay namin, hindi ako magiging p****k tulad nila!”

“Pero tingnan mo ang iyong suot. Litaw ang kaluluwa mo at napaka ikli ng damit mo. Ang kapal pa ng make-up mo!”

“Ha? You understand me! Hayop ka at nagtatagalog ka naman pala!” Bulalas ni Maya at binato ang takong sa binata.

“I’m sorry, please don’t cry. I am telling you the truth. Ayoko ang inasal ng mga kasamahan ko.”

Pilit tumayo si Maya at kahit dumudugo ang tuhod taas noo siyang tumingin sa binata.

“Pakatandaan mo, hindi lahat ng babae masisilaw sa mga katulad niyong banyaga para umahon sa hirap! Pagkakamali na makilala ko ang tulad niyo! Akala niyo nabili niyo kami! Pwes ako hindi!”

Akmang tatalikuran ni Maya si Dave ngunit hindi nagpapigil ang binata at binuhat siya na parang sako.