CHAPTER 9: DECISION

"Sa Samayan hospital, Amirah."

Napahinto ako nang mapagtanto kong nasa hospital na kinatatayuan ko ngayon isinugod si Papo. Hindi na ako tumuloy sa elevator sa halip ay lakad-takbo akong pumunta sa information desk dito sa 5th floor. Pinatay ko na rin ang tawag.

"Nurse, Sa ang room si Mr. Apollo Laurel?" hinihingal kong tanong sa nurse.

Naghintay pa ako ng ilang segundo sa sagot niya dahil tinitingnan pa niya sa isang computer.

Nakita ko kung paano kumunot ang noo niya habang nakaharap sa computer. Tumingin siya sa akin at nagsalita nang mahinahon, " I'm sorry, ma'am. Pero, mahigpit po kasing ipinagbabawal sa amin na huwag ibigay kahit kanino ang room # ni Mr. Laurel, since he is one of our VVIP patients at pinoprotektahan po namin ang safety niya."

"N-no. I think you got me wrong. We've known each other for quite long. I-I'm one of his friend," pagsisinungaling ko sa kaniya. Nakatago pa rin ang pagkatao ko kaya hindi ko pwedeng sabihin sa kaniya ang totoong relasyon ko kay Papo.