Kabanata VII

Matapos ipasara ni Maximillian ang bahay-aliwan ay ipinag-utos na niya sa kanyang tauhan ang dapat nilang gawin.

Bumaba siya sa kanyang sasakyan. Pagod siya sa maghapon na pag-aasikaso sa trabaho pero hindi niya iyon ininda, ipinakita niya sa lolo niyang malakas siya at ang natamo niyang mga sugat ay wala lang para sa kanya.

Handa na siyang kausapin si Aleyna sa gabing iyon at sabihin sa kanya ang nais niya. Isa lamang ang inaasahanag sagot ni Maximillian kay Aleyna – ang pumayag ito sa gusto niya. Sinigurado niyang alam niya lahat ng irarason kay Aleyna, lahat ng sasabihin niya na magpapapayag dito. Parang sa negosyo, kapag mayroon kang nililigawan na iba pang kumpanya – ganoon ang tingin ni Maximillian sa nangyayari at sa gagawin niya.

Nang makaharap na ni Maximiliian si Aleyna ay ipinilig niya ang kaniyang ulo saka tinignan ng taimtim ang dalaga. Sa isip niya’y maganda naman ito, mukhang inosente pero naninigarilyo at umiinom ng alak.

Sa tingin naman ni Aleyna kay Maximillian