Chapter 11

"WHAT HAPPENED TO YOU?" gulat na tanong ni Navi nang maabutan siya nito sa nakakahiyang sitwasyon kung saan nakaladlad sa sahig ang pinaghubarang damit katabi ang blazer na pinakuha ni Navi sa staff.

Bigong makapagsalita si Mabelle. Unti-unti na namang nanlalabo ang mga mata niya hanggang sa tuluyang rumagasa ang kanyang mga luha. Bago pa may makakitang iba ay pumasok sa loob ng elevator ang lalaki upang pulutin ang blazer at isinuot sa kanyang kahubaran.

Yakap-yakap siya ni Navi nang lumabas sila roon dala ang dress na kanina'y suot-suot niya. "Earnest, mauna na kami sa taas. Ako nang bahala kay Mabelle," anunsyo nito sa lalaking nakatayo sa harap ng elevator.

"Are you sure you can handle this?" asked Earnest.

"Of course. Andiyan naman 'yong mga security para samahan kami. Balikan mo na lang 'yong bata sa sasakyan at dalhin mo sa kuwarto ni Mabelle," karagdagang utos ni Navi.

Hindi na nito hinintay pang sumagot si Earnest. Kasama ang isang security personnel ay umakyat na sina Navi at