PKM - Kabanata II

Tunog ng alarm clock ang gumising sa akin kinaumagahan. Nakalagay ang isang kulay itim, hugis parihaba at maliit, pero nakabibinging alarm clock sa isang cabinet na nasa kaliwa ng kama ko. 'Di ginusto ng tainga ko ang nakabibinging ingay kaya gaya ng madalas na ginagawa ko ay tumawad ako sa alarm clock.

"Five minutes," sabi ko. Nahihirapan pa akong idilat ang mga mata ko. Pinihit ko ang ikutan nito at bumalik sa pagpikit. 'Di pa man din lumalalim ang tulog ko ay narinig ko ang ringtone ng cell phone ko; may tumatawag. Nakaibabaw ang cell phone sa parehong cabinet kung saan naroon ang alarm clock. Kinuha ko iyon. Kung tutuusin, puwede kong gamitin yung cell phone para maging panggising, kaso hindi na lang kasi hindi rin nakatutulong.

Nakita ko mula sa screen ng cell phone ko kung sino ang tumatawag: si Jude. Sinagot ko iyon.

"Hello," matamlay na sag