Simula

SIMULA

MYCA'S POV

I stared at the hard copies of the complaints from the customers of my resort. Napakagat-labi ako. The reviews are good but I didn't foresee how I'll be needing more experienced and reliable staffs. Kaya naman ay namroblema agad ako dahil sa aking nakita na reklamo galing sa ibang costumers namin. Apat sa mga staff ko ang hindi nagtatrabaho nang maayos. I have to replace them as soon as possible. Ito lang ang inuwian ko dito dahil hindi pa nagda-dalawang taon simula nang bumukas ang pangalawang resort ko na ito. Kaya natatakot ako na biglang bumagsak ito dahil lang sa mga complaint ng previous customers namin.

"Gigi! Make a flyer for the job interview. Kailangan makahanap tayo ng papalit sa apat na iyon bago pa mag-end ang buwan na ito. Make sure to put the requirements," problemado kong sabi sa secretary ko na kanina pa nakatayo sa harap ng table ko.

Tumango-tango ito agad. "Right away, Ms. Fortezo!" tugon niya at mabilis na lumabas.

Napasandal ako sa upuan ko para ikalma ang sarili. Kakailanganin ko pang dumaan sa Centre Restaurant dahil ang magaling kong papa ay inireto na naman ako ulit sa taong iyon. I'm of age to get married. But I have no plan to marry this early. Simply because I am still thirsty of success in the field of business. Ito na ata ang bumubuhay sa dugo ko simula nang matutunan kong mahalin kung paano mamahala ng isang negosyo.

Ang hirap lang ng buhay na walang kalayaan. Tipong pati karapatan mong mamili ay ipinagkait sayo. Napabuntong hininga ako. Mukhang mas mabuting manatili ako sa Palawan para hindi na ako magambala pa ng malalaking problema.

*Knock* *Knock*

Biglang may kumatok sa pintuan ng opisina ko kaya napaayos ako nang upo. Inayos ko rin ang sarili ko bago nagsalita.

"Come in," pagbibigay permiso ko sa taong nais pumasok.

Bumukas ito at bumungad sa akin ang masiglang mukha ni mama. I flashed a sweet smile at her. Tumayo ako at sinalubong siya ng isang mahigpit na yakap. I kissed her cheek twice. Iginiya ko siya sa sofa at sabay kaming naupo.

"I heard from Yna that you are here to check your resort. Kaya naman ay agad akong pumunta rito," ani mama na mukhang panatag na panatag ang mukha.

I licked my lips. "Bibisita rin naman po ako sa mansion."

"Palaging iyan ang palusot mo pero hindi ka naman sumusulpot talaga. Nagtatampo na ako sayo, Myca. The mansion is no longer warm because you are no longer there. Hindi naman sa ayaw ko at ng papa mo na bumukad ka dahil lang sa nasa tamang edad ka. Pero alalahanin mo na ikaw lang ang nag-iisang anak namin. Doon ka muna sa mansion hanggat hindi ka pa naikakasal," pagmamakaawa ni mama sa akin.

Napaawang ang bibig ko. Muli na namang sumagi sa isip ko na masyado nilang inaabuso ang tradisyon ng aming pamilya. Palaging kasal ang bukambibig nila sa akin kahit saan man kami mapadpad. At hindi lang iyon ang masaklap. They want me to choose a man from a distant relative since that's part of our family tradition— part of their family tradition! Naninindig ang balahibo ko sa tuwing iniisip ko ang bagay na iyan.

"Mama, alam mong wala akong balak na magpatali. Bata pa ako para isiping bumuo na agad ng pamilya." I frowned and heaved a deep sigh.

That's not the true case. I don't want to marry someone I don't love. Kung magpapatali ako ay doon sa taong mahal ko at mahal ako. I am still trying to figure out how can I change their opinion about choosing my own destiny, on how they must let me decide on the one I should spend the rest of my life with, or have my own freedom to speak for my rights as a woman despite being their only daughter. Nahihirapan ako sa pamilyang ito. Porket nag-iisang anak ay hindi maaaring pumili ng ibang lalaking papakasalan na hindi pinsan sa malayong kamag-anak dahil daw magkakaroon sila ng malas na buhay. Hindi ko naman masabi sa kanila na wala akong pakialam sa tradisyong kinalakihan nila. At na wala akong balak na sundin ang tradisyong iyon.

Kung tatanda akong dalaga ay ayos na iyon kaysa naman magpakasal sa pinsan ko sa malayong kamag-anak! Oh my gosh! That's disgusting. Para na rin nila akong pinapakain ng isang lason. Minsan ay gusto kong magwala. If my twin has survived then we can choose our own freedom. Pero hindi. Iba ata ang plano ng Maykapal para sa akin. Balak kiya siguro akong magdusa hanggang sa huling hininga ko.

"Why don't you try to get to know Farish first? He is a good man, Myca. Minsan na kayong nakapagkilala sa grand reunion ng buong angkan natin dati at ayon naman sa mama niya ay gusto ka rin niyang mas makilala pa," malambing nitong suhestiyon at pinaglaruan ang hibla ng buhok ko.

Nanindig ang balahibo ko sa sinabi ni mama. Kung alam niya lang na hindi maganda sa pandinig iyon ay baka hindi na lang siya magsalita. Magsisimula na naman kasi siya. Kaya nagkukulong lang ako sa penthouse ko palagi ay dahil dito. Para akong maiiyak at masusuka pero hindi ko iyon ipinahalata kay mama. Wala pa akong lakas na suwayin sila ni papa.

"Sure, Farish is a good man like what you are claiming. But it doesn't mean that he is qualified to be my husband," matigas kong sambit.

Parang nagulat ko si mama dahil sa aking sinabi. Pero alam kong iba na naman ang iniisip niya tungkol doon.

"Ang kailangan mo lang namang gawin ay i-date siya at kilalanin pa nang mas maayos at mas lubusan. Ikaw talaga, kasal na agad at pag-aasawa ang nasa isip mo?" natunugan ko ang pagkakatuwa sa kanyang boses.

Naitikom ko ang aking bibig. Palagi naman silang nananahimik kapag sinisipot ko sa lugar na napag-usapan ang mga ka-blind date ko o ang mga lalaking nirereto nila sa akin. Pero iba ang kaso ng lalaking nagngangalang Farish Ilmo Balenciaga. They like him that much because he became a successful entrepreneur at a very young age and won nine emmys for his outstanding innovation and ideas in ASIAN business empire. They are so fond of him because they thought he is a nice man. At isa pa, pinsan ko siya sa malayong kamag-anak kaya botong-boto ang aking mga magulang sa kanya.

Pero ang masasabi ko lang ay isa siyang malaking red flag! Sa lahat ba naman ng mga sinipot ko sa mga nirereto nila ay si Farish ang hindi madaldal at hindi mukhang interesado na magseryoso. He looks like a damn maniac, a wholesome pervert! Kaya tahimik lang ay dahil grabe kung manitig sayo! Akala mo ay hinuhubaran ka na! Akala nila ay mabait siya pero halos sukaan ko siya sa kanyang pagmumukha dahil sa kung paano niya ako titigan at suriin noong unang blind date namin.

"Mama... Ayoko pa talagang magpakasal. Bata pa ako at marami pa akong pangarap sa buhay. Gusto ko pang magpatayo ng sarili kong resorts sa iba't ibang panig ng mundo," I almost sound begging and so desperate.

Lumamig ang mukha ni mama. Nakaramdam ako ng kaba dahil sa kanyang naging reaksyon. Dito pa lang ay alam ko nang hindi sila sasang-ayon sa sarili kong desisyon.

"Magagawa mong mapagtagumpayan ang lahat kahit kasal ka na. Mas mapapadali pa ang lahat kung may karamay ka sa mga problema mo. Kaya sinasabi ko sayo na mag-asawa ka nang maaga para hindi masayang ang lahat ng pinaghihirapan mong abutin sa ngayon. Mamalasin ka kung pipiliin mong tumandang dalaga!" tunog galit na untag ni mama.

Nagtubig ang sulok ng aking mga mata kaya agad akong tumayo at nagkunwareng maglalakad-lakad lang sa harapan niya. Pero pinipigilan kong hindi maiyak nang tuluyan.

People thought I have the perfect life anyone could wish to have. Pero sa panlabas na anyo lamang ng mundo ko ang nakikita nila. Hindi nila alam ang tunay na nangyayari sa buhay ko dahil mailap ako sa mga tao. At hindi halata sa pamilya namin na may tradisyon din silang sinusunod.

"Mamaya ay siputin mo si Farish sa Centre Restaurant. Iyan na ang huli dahil nalalapit na ang engrandeng salu-salo ng ating buong angkan. You know what to do. Huwag mo kaming bibiguin ng papa mo," ani mama.

Naramdaman ko ang pagtayo ni mama. Pinilit kong pasiglahin ang mukha ko bago siya hinarap.

"Yes, mama."

"Good. Sa tingin ko naman ay ayos na ang lahat. I know that you won't betray us, Myca. Just don't disappoint me."

I had my goosebumps because of the coldness on her voice and tone. Pinagmasdan ko ang kabuuang mukha ng aking ina. Kita ko naman ang rahan sa kanyang mga titig sa akin. Alam ko namang mahal nila ako ni papa. Sadyang malaki ang paninindigan nila. Pinaniniwalaan nila na magkakaroon nang isang magandang buhay ang nag-iisang anak kung maipapakasal ito sa lalaking pinsan sa malayong kamag-anak. Dahil para sa kanila ay mas mabuti ang kakilalang tao at totoong may koneksyon sa'yo kaysa ibang tao na hindi mo naman lubusang kilala.

Umalis si mama pagkatapos ng pag-uusap naming 'yun. Tinawagan ko ang nag-iisang kasambahay ko at nalamang pinakuha ni papa ang halos lahat ng mga damit ko sa penthouse kaya sa mansion ako uuwi mamaya. Mukhang alam na nila kung paano ako tuluyang kontrolin. Napapabuntong hininga na lamang ako.

"Any reservation po, Ma'am?" tanong ng receptionist sa akin.

Kakarating ko lang sa lobby ng Centre Restaurant. Alas sinco na ng hapon at sinadya kong tagalan ang pagpunta rito para mabagot nang husto si Farish.

"Mr. Balenciaga, please," sagot ko at pinasadahan ng tingin ang buong paligid.

Maya-maya ay nilapitan ako ng isang babae. "Let me escort you there, Ma'am. This way," paggiya sa akin ng babaeng isa sa mga waitress ng restaurant na ito.

Sinundan ko siya hanggang sa tumigil kami sa harap ng isang VIP room. Iniwan niya ako agad pagkatapos masiguro na bukas ang pinto. Walang pagdadalawang isip kong pinihit ang door knob at binuksan ang pinto. Unang bumungad sa akin ang naghahalikang babae at lalaki. Walang iba kundi si Farish at isang babaeng mukhang nagtatrabaho rito sa Centre Restaurant base sa kanyang suot na uniporme.

"Hindi ako pumunta rito para panoorin kang makipaglaplapan sa kahit sinong babaeng nakukuha ang atensyon mo," walang hiya-hiya kong sambit at umupo sa harapan nila.

Napatigil sila sa kanilang ginagawa. Nagulat ang babae habang nagngising aso naman si Farish. She gave me her apologetic look but I ignored her.

"Leave now," pagtaboy niya sa babae pagkatapos bigyan ng tips.

I crossed my legs and checked the over all design of this room. There is an infinite pool here. Pero hindi kaakit-akit para sa akin. Mas maganda kung dagat iyan.

"You made me wait here for five hours. Buti at naisipan mo pang siputin ako sa wakas," aniya na mukhang mas nag-enjoy pa imbes na mabagot sa kakahintay sa akin.

"Limang oras na pala ang lumipas? Akala ko ay limang minuto lang akong late eh," I said using my most sarcastic tone.

Nagdilim ang kanyang mukha. I laughed sarcastically to irritate him more.

"Alam kong napipilitan ka lang sa akin, Myca. Pero sino pa ba ang mas lamang sa akin at mas maayos na piliin mo bukod sa akin? Nalalapit na ang araw na mamimili ka kung sino ang dapat na magiging katuwang mo so buhay. At masasabi kong lamang ako sa kanilang lahat kaya bakit hindi na lang tayo magkasundo?" Nagsisimula na siyang magmalaki at magmataas.

Nandiri ako bigla. He is the worst. I even saw him bit his lips while checking my whole body. I am wearing a conservative dress. Pero nagagawa niya pa ring umakto nang ganyan sa harapan ko.

"Hindi ka ba mandidiri kung sakaling nahawakan na ako ng ibang lalaki? What if I tell you that someone has already marked me as his own woman? Nandidiri nga ako na kung sino-sino ang hinahawakan mong babae..."

Ang mga lalaking katulad niya ay tatlo lang ang habol sa isang babae: ang katawan niya, sarap na mararamdaman nila habang pinaglalaruan ang isang babae, at ang panghuli ay walang iba kundi ang kasiyahan. That's why, I loathed playboys. I hate them to the extreme of madness! They are the worst!