Chapter 43 - You deserve all the love that the world could offer

“Anong nagdala sayo dito at bakit ganyan ang mukha mo?” Tanong ni Luigi ng masilayan niya ang nakabusangot na mukha ng kanyang kaibigan na si Steph, tumalikod siya upang ayusin ang mga files sa kanyang desk.

Inalis ni Steph ang kaniyang sapin sa paa at itinaas ito sa sofa saka inihiga ang sarili roon at malungkot na nakatingin sa kisame. Napabuntong hininga siya bago sagutin ang tanong ng kaibigan, “hindi ko na maintindihan ang nararamdaman ko. Ewan ko pero nahihirapan ako,” reklamo niya sa kaibigang doktor.

“Mukhang nakakalimutan mong hindi sakop ng kakayahan ko ang gamutin ang sugatan mong puso dahil sa pag-ibig,” biro niya na sa buong pag-aakala niya ay nagbibiro rin ito sa kaniya.

“A-alam ko naman yun… Gu-gusto ko lang ng masasandalan sa panahong mahina ako and I expect you to be my companion pero mukhang mali ako,” narinig ni Luigi ang pagnginig ng boses nito ka