Chapter 29: Interrogation

TULAD ng sinabi ng mga pulis ay dinala si Eunice sa presinto para magsagawa ng imbestigasyon.

“Uminom ka muna ng tubig,” sabi ng imbestigador kay Eunice sabay abot ng isang basong tubig sa kanya ngunit tinignan lang ito ni Eunice at hindi ginalaw.

“Huwag kang mag-alala wala ‘yan lason. Gusto lang kita pakalmahin bago ko simulan ang imbestigasyon,” wika ng imbestigador.

Tinignan ni Eunice ang imbestigador at nakita niya ang maamong mukha nito.

“Sige na inumin mo na ‘yan. Kanina ka pa umiiyak. Makakasama sa ‘yo lalong-lalo na sa bata ang maubusan ng tubig sa katawan,” saad nito.

At dahil sa ayaw ni Eunice na may mangyaring masama sa kanyang anak ay kinuha niya ang basong may lamang tubig saka uminom nang dahan-dahan. Pinagmasdan lang siya ng imbestigador habang siya’y umiinom hanggang sa siya’y matapos. Naupo naman ang imbestigador sa kanyang harapan at saka nagsimulang bulatlatin ang