Chapter 35: Release

HINDI tumigil sa kakaiyak si Eunice nang sandaling makita niya ang kanyang ina.

“Ina, wala akong kasalanan,” humahagulgol na wika ni Eunice. “Maniwala po kayo sa akin. Hindi ko po magagawang patayin si Lola Divina.”

“Alam ko ‘yon, anak. Wala kang kasalanan kaya tahan na,” pag-aalong saad ni Lucia sa kanyang anak habang pinupunasan ang mga luhang lumalandas sa pisngi ni Eunice.

“Pero, ina, walang gustong maniwala sa akin. Kahit si Stefan ayaw ding maniwala sa akin,” saad ni Eunice sa pagitan ng kanyang paghagulgol.

“Shh… nabigla lang si Stefan sa nangyari kay Doña Divina kaya siya nagkakaganito. Naguguluhan siya sa nangyayari at higit sa lahat hindi niya matanggap ang biglaang pagkawala ng nag-iisang pamilyang meron siya habang lumalaki siya. Kaya unawain mo na lamang siya, anak,” paliwanag ni Lucia sa kanyang anak.

“Pero, ina—”

Hindi nagawang ta