Chapter 52: Destiny

MATAPOS ang ilang oras na pang-aabuso ni Stefan sa katawan ng kanyang asawang si Eunice ay nakatulog na lamang ito bigla sa sofa.

Nanliliit man sa kanyang sarili ay isa-isang dinampot ni Eunice ang kanyang damit at sinubukang itakip sa kanyang katawan kahit na ito’y punit-punit. Nang sandaling iyon habang pinagmamasdan niya ang kanyang asawa na mahimbing na natutulog dahil sa kanyang kalasingan ay muling nanariwa sa kanyang isipan ang ginawa nito sa kanya sa mga araw na nagdaan. Hindi pa rin niya lubos na maisip na ang sinasapit niya ngayon ay magagawa sa kanya ni Stefan. Alam niyang may pagkamatigas ang ulo nito ngunit hindi niya aakalain na pagbubuhatan siya ng kamay nito.

“Stefan…” mahina niyang usal sa pangalan nito. Kasunod noon ay ang pag-agos ng kanyang mga luha sa kanyang mga mata. “Kailan mo ba ako magagawang pagkatiwalaan muli? Kailan mo magagawang maniwala sa akin?”

Dahil sa hindi na makayanan ni Eunice ang kanyang pag-iyak at sakit na nararamdaman ay nagtungo siya sa maid’