PAUWI na mula sa trabaho si Marcus ng isang tawag mula kay Fausto ang kanyang natanggap.
Una niyang narinig ang hiyaw mula sa kabilang linya kasunod ang boses ni Fausto. “Nasa’n ka ngayon?”“Pauwi na, bakit ho?”May kaingayan sa kabilang linya at rinig na rinig ang hikbi ng kung sino mang kasama ni Fausto. “Pumunta ka muna rito sa police station," ang utos nito saka tinapos ang tawag.Hindi man lang nagawang makapagtanong ni Marcus kung anong nangyari at kailangan niyang pumunta sa police station. Magkagano'n man ay mabilis pa rin siyang nagtungo ro'n.Pagkarating sa estasyon ay natigilan siya nang makita si Luna sa loob ng selda. Nakaupo’t umiiyak tulad ni Liliane na humihikbi habang nakatingin sa anak.Agad na lumapit si Fausto sa kanya upang humingi ng tulong o kung may magagawa ba siya upang mailabas agad si Luna. Matapos ay lumapit siya sa asawa upang kausapin ito, “Anong nangyari?” tanong ni Marcus.Hindi sumagot si Luna. Nakatungo lang ito at ayaw man lang siyang tingnan.“Sabihin mo sa ‘kin para matulungan kita,” dagdag pa ni Marcus.Sa wakas ay nagtaas ng tingin si Luna. Ang mga mata’y puno ng luha. Halata ang takot at panginginig sa katawan.Ang mga tanong ni Marcus ang muling nagpabalik sa nakakatakot na karanasang nangyari kanina habang kasama si Spencer sa restaurant.Ilang araw na niyang kino-contact si Spencer para sana’y makausap at humingi ng paumanhin sa nangyaring gulo sa party. At pagkatapos ay sasabihin na rin ang totoo, kung sino ba talaga si Marcus sa buhay niya.At kanina nga, sa wakas ay sumagot na ito sa mga tawag niya at pumayag na makipagkita sa madalas na pinupuntahang restaurant.Naging maayos naman no'ng una ang pag-uusap nila hanggang sa inamin na niya ang totoo… na kasal na siya kay Marcus.Kitang-kita ang pagkabigla at sakit sa mga mata ni Spencer ngunit naging supportive ito at agad ring natanggap ang lahat. Hindi nga niya akalaing gano’n lang pala kadali na agad nitong matatanggap ang lahat.Ang hindi niya alam ay halos sumabog at magwala sa galit si Spencer sa ginawa niyang pag-amin. Gusto nitong saktan si Marcus ngunit hindi niya iyon pansin.Hanggang sa umalis siya saglit para magpunta sa restroom. Sa pagbalik ay nagulat na lamang siya nang biglang tumakbo paalis si Spencer habang may humahabol sa kanyang isang lalake.Kahit naguguluhan at nalilito ay mabilis niyang kinuha ang bag para sundan si Spencer pero may nakabunggo siyang babae. Agad niyang nabitawan ang bag at tumapon sa sahig ang gamit sa loob.Nagmadali siyang pulutin ang gamit at tinulungan pa siya ng babaeng nakabunggo sa kanya hanggang sa—“Ano ‘to? Sa ‘yo ba ‘to?” anito habang hawak ang dalawang maliliit na pakete na may lamang puting pulbos.“No, hindi sa ‘kin ‘yan,” ang sagot niya agad dahil wala naman talaga siyang gano’n sa bag.“Alam mo ba kung ano ‘to?” tanong ng kaharap.“Powder,” ang inosente niyang sagot.Naningkit ang mata ng babae hanggang sa naglabas ito ng posas. “Sorry, Miss, pero kailangan kitang dalhin sa police station,” ang pahayag pa nito saka siya pinosasan.Nabigla si Luna at agad na nataranta. Gusto niyang itanong kung anong nagawa niyang mali ngunit dahil sa labis na kalituhan ay hindi na niya nagawa pang magsalita. Pagkarating sa police station ay agad na tinawagan ang mga magulang.Nakatulala lang siya no'ng una dahil hindi talaga maproseso ng utak ang nangyari sa kanya. Ngunit nang dumating ang Ama't Ina ay tuluyan siyang naging emosyonal.Iyak ni Liliane ang tuluyang nagpahina sa kanya hanggang sa unti-unti na rin siyang umiyak kasabay ng Ina.At iyon na nga ang naabutang eksena ni Marcus.“Wala kang dapat ikatakot kung wala kang ginawang masama,” ani Marcus. “May lawyer ba kayo?”“T-tinawagan na ni Daddy. H-hindi naman ako makukulong, right?”“Aalamin pa natin.”“Ano? Pero hindi naman sa ‘kin ‘yung drugs!”“Hindi sapat na rason para paniwalaan nilang hindi sa ‘yo ang drugs na nakita. Ang kailangan nating gawin ay patunayang hindi sa'yo, pa'no napunta sa bag at kung sino ang naglagay.”Narinig ni Liliane ang sinabi ni Marcus at hindi ito nagustuhan. “At anong mangyayari kung hindi mapapatunayan na hindi kanya ang drugs, ha?”“Huminahon ka muna. Hindi makakatulong kay Luna kung ganito ka.” Hinila ni Fausto si Lilian palayo.“’Wag kang mag-alala. Naniniwala akong may gusto lang mag-frame up sa ‘yo,” ang pahayag ni Marcus. Pinapalakas ang loob ni Luna upang hindi ito mawalan ng pag-asa. “Hindi ko hahayaang makulong ka.” Habang iniisip kung ano ang magiging epekto sa kanya kung sakaling makulong si Luna.Magawa niya kaya ang misyon na mahanap si Dahlia kahit wala na si Luna?“T-thank you,” mahina at puno ng pasasalamat na bigkas ni Luna. Hindi akalaing lalakas ang loob sa mga nasabi ni Marcus.MATAPOS na makuha ang kopya ng CCTV footage sa restaurant ay bumalik si Scarlette at Kurt sa estasyon.“Ayos ka lang ba? Hindi ka ba napuruhan?” ani Scarlette kay Kurt. Ito kasi ang humabol at nagpambuno kay Spencer na sa huli ay nagawa pa ring makatakas.“Medyo kumikirot lang nang kaunti ‘tong tagiliran ko.”Tinapik ni Scarlette ang balikat nito. "Malayo naman pala sa bituka.” At saka nauna nang pumasok sa loob.Nakita niyang nando’n si Marcus kasama ang sa tingin niya’y magulang ni Luna.Lumapit siya sa police-in-charge at sinabing pakawalan na ito, “Ilabas mo na siya, hindi sa kanya ang drugs. Galing kay Spencer Felicimo.”Nabuhayan at labis ang tuwa ni Liliane sa narinig. Mabilis niyang nilapitan si Scarlette at nagpasalamat. Halos yakapin niya ito sa sobrang tuwa at matapos ay binalikan si Luna na inilalabas na sa selda.Lumapit si Marcus kay Scarlette. “Si Spencer ang target mo?”“Oo, napag-alaman kong leader siya ng grupong tinutugis namin.”“Nasa’n? Nakatakas?” At mapanghusgang tumingin kay Kurt. Kung malakas lang ang kasama nito'y siguradong walang kawala si Spencer.“’Wag kang mag-alala. Mahuhuli rin namin siya, maghintay ka lang… Congratulations nga pala.”“Para sa’n?”“For your wedding, asawa mo siya ‘di ba?” At napatingin pa kay Luna na yakap-yakap ang mga magulang.“Salamat,” ang tipid na sagot ni Marcus at saka umalis para balikan si Luna.“Ba’t parang ang bitter nang pagkakasabi mo, Captain?” ang bulong ni Kurt na sinadya pang lumapit para mang-asar.“’Wag mo ‘kong simulan. Mainit pa ulo ko't nakawala sa'tin si Felicimo.”Mabilis namang umatras si Kurt sa takot na biglang makatikim ng kamao ni Scarlette.PAG-UWI SA MANSION ay agad na nagtungo sa kwarto si Luna na gustong mapag-isa. Ngunit dahil sa labis na pag-aalala ay sinundan siya ng Ina sa kwarto.“I’m fine, Mom,” ani Luna matapos maupo sa kama. “I want to be alone.”Gusto sanang manatili ni Liliane upang samahan ang anak pero pinagbigyan na niya ang nais nito. “Kung may kailangan ka, tumawag ka lang, pupuntahan agad kita.” Matapos ay saka unti-unting sinara ang pinto.Ilang sandaling tulala si Luna habang nakatitig sa saradong pinto. Hindi pa rin makapaniwala na muntik na siyang makulong ng dahil kay Spencer. Ang kaibigan na ni minsan ay hindi niya naisip na tatraydurin siya nang ganito.Hindi niya maisip kung anong naging mali?Dahil ba sa napahiya ito sa party?Sa biglaan niyang pagpapakasal?Pero maayos naman silang nag-usap. Ramdam niyang tanggap nito ang lahat kaya bakit?Kung may nagawa man siyang mali ay sana napag-usapan nila ng maayos. Hindi iyong ganito.Muntik ng masira ang buhay niya dahil sa ginawa ni Spencer. At hanggang ngayon na kahit nakauwi na siya’t ramdam ang lambot ng kama’y nanginginig pa rin siya sa takot.Si Marcus ay nasa kanyang kwarto na’t palihim na nakikinig sa kwarto ni Luna. Ngunit tahimik at walang kahit na anong ingay sa surveillance audio matapos umalis ni Liliane.Ni mahinang kaluskos ay wala na labis niyang pinagtataka. Ano kaya ang ginagawa ni Luna, at bakit ang tahimik?Iyon ang nasa isip niya hanggang sa unti-unti ay nakarinig siya ng mahinang hikbi. Na noong una’y inakala niyang namali lang siya ng dinig hanggang sa naging sunod-sunod ang mabibigat nitong paghinga.Wala siya sa mismong kwarto at hindi niya ito nakikita ngunit ramdam na ramdam ni Marcus ang sakit sa bawat hikbi ni Luna. Hanggang sa hindi na niya matagalan pa at inalis na ang earphone sa tenga. Nagpasiya siyang ihihinto muna ang pakikinig ngayong gabi at magpapahinga na lamang.Kinabukasan ay hindi niya nakita si Luna buong araw at ang sabi ng katulong ay nagkukulong lang daw sa kwarto. Ayaw rin tumanggap ng kahit sinong bisita kapag may nagpupuntang kaibigan na nakabalita sa nangyari.Pagsapit ng gabi ay umalis si Marcus upang makipagkita kay Artemio na kababalik lang mula sa business trip. Nais niyang alamin kung ano ang totoong nangyari sa grupo ng X.M. at bakit naglihim ito sa kanya?Sa restaurant na pagmamay-ari ni Artemio napiling makipagkita nito. Pagdating niya ay agad siyang iginiya ng staff sa private-room at naabutang naro’n na si Artemio, naghihintay.“Nag-order na pala ako ng pagkain natin, Boss,” anito na abala sa hawak na tablet. Tinitingnan ang pinadalang files ng secretary.Tahimik na naupo si Marcus at hinintay na dumating ang in-order. Ilang minuto lang din ang tinagal nang ma-i-serve na ang pagkain.“Enjoy your meal, Sir,” ang sabi pa ng waiter bago sila iwan na dalawa.Binaba ni Artemio ang hawak na tablet at saka hinarap si Marcus. “Alam ko kung ba’t mo gustong makipagkita, Boss. Kaya ipapaliwanag ko kung anong nangyari sa grupo ng X.M. at bakit hindi ko sinabi sa ‘yo agad.”SA PAREHONG ORAS ay halos durugin na ni Spencer ang lahat ng gamit na kanyang makita. Narito siya ngayon sa pinatayo niyang bahay para sana sa kanilang dalawa ni Luna. At isang buong araw na siyang naghihintay ngunit wala pa ring balita mula sa taong kanyang tinawagan.Ang pangako nito ay itatakas siya sa oras na magawa niya ang ipinag-uutos nito.“Hanggang kailan ba ‘ko maghihintay?! Nagawa ko naman 'yung inutos niya, a, pero ba’t hindi pa rin siya tumatawag?”Halo-halo na ang kanyang nararamdaman. Natataranta at naiinis na siya sa kakahintay. Nariyan pang nag-iisip na siya ng kung ano-ano na baka ay pinabayaan na siya ng kausap.Hindi pwedeng basta na lang masayang ang ginawa niya. Sinakripisyo niya ang babaeng minamahal para lang sa pangakong halaga sa oras na magawa ang utos nito.“Hindi… ginawa ko ‘yun para sa future namin…” bubulong-bulong na sabi ni Spencer na tila kinakausap ang sarili. “Sa halagang hinihingi ko ay mabibigyan ko ng marangyang buhay si Luna… kung hindi lang siya nagpakasal sa iba.” At muli ay tila nagdilim ang kanyang paningin at pinagwawawasak ang mga gamit sa paligid.Dahil sa ingay na ginagawa ay hindi na niya napansin na may ibang tao ang palihim na nakapasok sa bahay. Dahan-dahan itong lumapit kung nasaan si Spencer na patuloy na nagwawala.Ang hindi kilalang lalake ay nakasuot ng itim na jacket at cap. Itim rin ang suot nitong mask pantakip sa mukha upang hindi ito makilala. At may hawak na bandana na siyang gagamitin habang nakatalikod si Spencer na wala pa ring kamalay-malay sa mangyayari.Tumigil si Spencer sa pagwawala ng mapagod at napansin na tila may kakaiba sa paligid. Paglingon niya ay biglang sumugod ang hindi kilalang lalake na akmang sasakalin siya gamit ang hawak nitong bandana.At dahil dating athlete at patuloy pa ring active hanggang sa ngayon ay mabilis na nakalayo si Spencer mula rito. “Sino ka?! Pa’no ka nakapasok dito?” aniya pa na lumilikot ang mga mata sa paligid. Iniisip kung sa’n siya maaaring dumaan upang makatakas sa oras na muling sumugod ito.Hindi na nais mag-aaksaya ng oras para labanan pa ang hindi kilalang lalake. Ayaw niyang ibuwis ang buhay lalo pa’t hindi niya alam kung ano ang pakay nito sa kanya.Dalawa lang ang pagpipilian niya. Una, ang dumaan sa bintana na malapit sa kanya o pangalawa, ang tumakbo pababa sa hagdan na malayo sa kinaroroonan ng hindi kilalang lalake.Kung tatalon siya mula sa bintana ay baka mapilayan pa siya. Kaya pinili niya ang tumakbo pababa sa hagdan.Kumpiyansa naman siyang mas mabilis siya kumpara sa lalake. Bumilang si Spencer ng tatlo at pagkatapos ng huling numero ay sinipa niya papunta sa lalake ang isang libro na malapit sa kanya.Sandaling nabaling ang tingin dito ng lalake kaya agad na tumakbo si Spencer sa hagdan. Nasa kalagitnaan na siya ng hagdan nang bigla na lamang itong tumalon at hinarangan siya mula sa ibaba.Sa taranta ni Spencer ay muli siyang napabalik sa itaas ngunit nahablot na siya agad ng lalake. Nawalan siya ng balanse at natagpuan na lamang ang sariling nakahandusay sa sahig habang pinagmamasdan ng hindi kilalang lalake. Dito unti-unting nanlabo ang kanyang paningin hanggang sa tuluyan ng dumilim.Nang masigurong wala ng malay si Spencer ay binuhat ito ng hindi kilalang lalake at dinala sa labas kung sa’n nakaparada ang sasakyan na gamit. Mula sa loob ay may isang malaking kahon na nababalutan ng gift wrapper at may kasama pang malaking ribbon.Pinasok niya si Spencer sa loob at saka sinara ang kahon. Inayos niya ang wrapper at ribbon. At pagkatapos ay lumarga na paalis sa lugar.Hininto ng hindi kilalang lalake ang sasakyan sa tapat ng police station. Ibinaba ang malaking kahon na ang laman ay si Spencer, saka dinikit ang isang maliit na note.‘To: MeFrom: Spencer the fencer’Pagkatapos ay bumalik sa sasakyan at bumusina upang alertuhin ang mga pulis sa loob ng estasyon saka humarurot na paalis.Ang mga pulis naman na nakarinig ng busina ay nagsilabasan at nakita ang malaking kahon. Dahil sa kuryosidad ay binuksan nila ito at nakita si Spencer sa akto na tinatanggal ang tali sa paa gamit ang nakatali ring kamay.KAHIT AKAY-AKAY na ng mga pulis ay pilit pa ring nagpupumiglas at nagdadahilan si Spencer. Nariyang nag-iingay siya upang makatawag pansin sa ibang tao dahil kilala siya sa lugar. Mabilis na kakalat ang balita na narito siya sa police station at inaasahang darating agad ang kanyang pamilya upang tulungan siya.Dalawang pulis ang nakahawak sa magkabila niyang braso at may dalawa pang nakabantay sa likod upang hindi niya magawang makatakas.Ipinasok at iniwan siya sa interrogation room upang imbestigahan. “Baka pwedeng tanggalin mo naman ‘to?” aniya sa pulis na nagpaiwan upang magbantay, ngunit hindi siya nito pinansin na ikinainis niya. “Hindi mo ba ‘ko naririnig?!”Walang epekto at nanatiling nakatayo ang pulis hanggang sa pumasok si Scarlette kasama ang isang pang pulis.Tila naman nabuhayan si Spencer ng makita ito. Dahil kaibigan ng kanyang pamilya ang nagpakitang pulis. Sigurado na ang tiyak niyang pag-alis sa lugar.Ngunit agad ring nawala ang tuwa sa kanyang mukha nang hindi man
[FEW MINUTES AGO]NAIINIS at kanina pa mainit ang ulo ni Spencer. Paano ba naman ay tatlong araw na ang lumipas ngunit hindi pa rin siya magawang ilabas ng sariling lawyer.At kahit ang mga magulang niya’y hindi na nagpakitang muli simula no’ng huling dalaw ng mga ito. Tila pinabayaan na lang siyang mag-isa dahil sa kahihiyang dulot niya sa pamilya.Nayayamot na siya sa kahihintay sa pangako ng lawyer na mailalabas siya sa kulungan. Puro salita lang ito at kahit nga ang inutos itong ipahuli rin si Marcus ay hindi pa nito nagagawa.“Inutíl!” ang bulong niya nang makitang palapit ang lawyer sa selda na kinalalagyan niya. “Ano na? kailan ba ‘ko makakalabas dito?!”“Masiyadong mabigat—”“Sinasabi mo bang hindi mo ‘ko magagawang ilabas dito? Aba’t, para sa’n pa ang ibinabayad ko sa ‘yo?!” Gigil na gigil siyang nakahawak sa rehas at gusto na itong hablutin sa sobrang galit.“Hoy! Tumahimik ka nga.” Si Scarlette na palapit din sa selda ay agad itong sinaway. “Hindi pa ba nasasabi sa ‘yo ng—”
Chapter 12 MATAPOS makita ang itsura ni Spencer sa picture ay nasisiguro ni Marcus na kilala niya ang pumatáy. “Kilala mo? Sino?” agad nagka-interes si Scarlette. Lumingon naman si Marcus kay Kurt na nasa may hamba ng pinto. Kaya sumunod rin ang tingin ni Scarlette. “Kurt?” “Isara mo’ng pinto,” ang utos ni Marcus. “Hindi pwedeng may makarinig na ibang tao sa sasabihin ko.” Agad kumilos si Kurt at sinara ang pinto. Matapos ay saka sila naupong lahat sa sofa na katapat ang table ng Police Captain. Napaisip si Scarlette kung tatanungin niya bang muli si Marcus tungkol sa killer. Hangga’t maaari kasi’y ayaw niya itong isali sa kaso. Pero aminado siyang malaking tulong ang maibibigay ni Marcus sa oras na sabihin nito kung sino ang suspek. “Chief, ayos lang ba na isali siya sa kaso?” ang pagpapaalam ni Scarlette. Tumango ang Police Captain. “Naipakita ko na sa kanya ang ilang information regarding sa kaso, kaya hindi mo na kailangang magpaalam pa.” Binalik ni Scarlette ang tingin k
ILANG TAON siyang walang narinig na balita tungkol kay Matthew matapos itong magpunta sa ibang bansa. Sa pagkakaalam niya’y hindi na ito babalik at doon na mamumuhay.“Maupo ka muna, Luna,” ang utos ni Fausto.Saglit na tumingin si Luna sa suot na relo. May ilang minuto pa naman bago matapos ang lunch-break kaya naupo na siya sa sofa, kaharap si Matthew.“Tapos mo na ba’ng interview-hin ang mga aplikante?”“Yes, Dad.”“Ilan ang posibleng matanggap?”“Four or three, depende dahil may final interview pa with the panel.”Tumango-tango si Fausto saka sumulyap kay Matth
SABAY silang nagtungo ni Luna sa living area matapos sabihin ng Mayordoma na dumating ang kanyang Lolo’t kapatid.Nakaupo sa sofa ang mga ito nang lapitan niya. Naroon na rin ang mag-asawang Fajardo na pawang tahimik sa isang tabi na bagaman nakangiti’y mapapansin ang kaba sa mga mukha.Lumapit si Marcus upang magmano sa matandang Lopelion at saka tinapik si Lucas sa balikat bilang pagbati. Binati niya rin ang kasamang bodyguard ng dalawa.Hindi siya nasabihan ng Ama na darating pala ang mga ito. O, marahil ay wala talaga itong ideya sa pagpunta ang dalawa sa mansion ng Fajardo.Si Luna na nakasunod ay napiling tumabi sa magulang. “Do’n ka tumabi kay Marcus,” ang pabulong na utos ni Liliane.Kahit kabado dahil sa mga bisita ay pinili pa rin ni Luna na sundin ang utos ng Ina. Matapos niyang lumipat at maupo sa tabi ni Marcus ay nagsalubong ang tingin nila ng matandang Lopelion. Wala mang reaksyon na mababasa sa mukha ng matanda ay ramdam ni Luna ang intense ng titig nito. Tila pinag-aar
PAGPASOK ni Liliane sa dining area ay naabutan niya ang asawa at si Matthew na nag-aalmusal. Lumapit siya kay Fausto saka tumabi. “Si Luna?” ang tanong niya pa matapos maupo.“Hindi pa bumababa,” ang sagot ni Fausto.Napatingin naman siya kay Matthew nang ngumisi ito. “Baka napagod,” ang komento pa nito.Kunot-noong binalewala ni Liliane ang sinabi nito at saka napatingin sa asawa. Iniisip na kausapin ito mamaya tungkol kay Matthew.Halos mag-iisang linggo na ito sa puder nila at wala ng ibang ginawa kundi ang maglakwatsa. Tapos ay uuwi pang lasing.Ang napag-usapan nila ay magtatrabaho ito sa kompanya at pagkatapos ay titira sa apartment. Pero hindi natuloy dahil hindi pumayag si Luna na basta na lamang itong ipasok sa kompanya ng hindi dumadaan sa tamang proseso.Magkagano’n man ay dapat gumawa ito ng paraan upang makapagtrabaho o hindi kaya ay mag-apply sa ibang kompanya. Hindi iyong tatambay na lang at walang gagawin.Pagkatapos niyang kumain ay nagpasiya siyang puntahan si Luna. S
[PAST]SA EDAD na labing-walo ay pumasok sa military camp si Timoteo upang tuparin ang pangarap na mag-serbisyo sa bansa.Tutol man ang mga magulang dahil siya ang panganay at inaasahang hahawak sa kompanya ng pamilya balang araw, ay hindi siya nagpapigil.At inihabilin sa nakababatang kapatid na si Ramon ang pagtulong sa magulang na palaguin pang lalo ang kompanya.Sa unang taon niya sa kampo ay hindi pa rin tumitigil ang mga ito sa pagkumbinsi sa kanya na lumabas ng kampo at tumulong sa pamamahala ng kompanya.Ngunit ang pagiging sundalo talaga ang gusto niya noon pa man. Ito ang nakatadhana sa kanya at wala ng magbabago pa.At dahil sa paulit-ulit na pangungulit ng kanyang Ama’t Ina ay tatlong taon niya ring hindi hinarap ang mga ito kapag nagtutungo sa kampo upang siya’y makausap.Hanggang sa isang araw ay ang Mayordoma na nila mismo ang nagtungo sa kampo dala ang isang masamang balita.Naaksidente ang kanyang Ama’t kapatid at kasalukuyang nagpapagaling sa ospital.At dahil sa labi
[PAST]BIGLANG DUMATING si Ramon at hinihingi ang parte ng mana na dapat ay sa kanya.Ngunit hindi iyon agad naibigay ni Timoteo dahil ilang taon itong nawala. At wala siyang ideya kung ano na ang naging buhay nito sa mga panahong ‘yun. Hindi naman niya maaring basta na lang ibigay ang ilang parte ng ari-ariang iniwan ng Ama dahil pinagpaguran niya itong palaguin.Bukod ro’n ay may sama pa rin siya ng loob kay Ramon. Sa ginawa nito kay Milagros.Hindi niya pinagbigyan ang kapatid sa nais nito at sa halip ay nagbigay muna ng pera.Ngunit iba ang naging dating nito kay Ramon. Pinaratangan siyang nagdadamot at sakim, ngunit kinuha pa rin ang perang binigay niya sabay bitiw ng salitang babalik muli para