Kabanata 10.1

"Pasensya na kanina. Huwag mong pansinin ang sinabi ni Tonton."

Napasulyap ako sa likod ko nang marinig na may nagsalita. Lumayo muna ako roon at pumunta muna sa tabing dagat nang matapos na akong kumain. Habang si Sebastian ay nandoon nakaharap sa ilang nag-iinuman. 

Mukhang mula ngayon ay makakasanayan ko nang tumambay sa tabing dagat. Nakakarelax din kasi.

Pansin kong ayaw sana ni Sebastian na uminom, ngunit wala itong nagawa dahil inabutan at inimbita siya ni Mang karding. Kilalang kilala rin siya rito, pero diba mayaman naman siya noon at siguradong tumira siya sa manila noong mayaman pa siya, pero bakit kaya close na close siya sa mga taong nandito.