0002

HAYDEN

"Bobo ka ba? Ilang beses ko ng pinaulit sa iyo iyan, ha? Puro mali! Wala ka ng ginawang tama! Get out! Sumasakit ang ulo ko sa iyo!" sigaw ni Hayden sa kanyang secretary.

Mariin siyang napapikit. Isang buwan pa lang siyang CEO sa kanilang kumpanya pero sumasakit na ang ulo niya. Simula nang ibinigay iyon sa kanya ng mommy niya, maraming nabago sa kanilang kumpanya. Ang daming pinabago ni Hayden.

Nawala rin ang saya sa kumpanyang iyon. Napalitan ng takot at pangamba. Hindi puwedeng magkamali ang bawat empleyado roon lalo na kapag si Hayden ang kanilang kaharap. Dahil agad-agad silang matatanggal sa trabaho.

"Hello, magpunta ka ngayon sa office ko. Faster," saad ni Hayden nang tawagan niya ang HR manager.

Ilang minuto ang lumipas, dumating na nga ang ginang doon na siyang HR manager ng nasabing kumpanya. Ang Morgan Builders Corporation. Kumpanyang pinayaman ng knayang yumaong ama. Isa sila sa pinakasikat at kilalang construction company sa bansa.

Naglalakihang mga gusali ang napatayo nila. Pati na rin ang mga subdivision. Sila ang kinukuha ng mga mayayamang negosyante dahil magagaling ang empleyado nila. Lahat pulido pagdating sa trabaho.

Tiningnan ni Hayden ang HR manager na nakatayo sa kanyang harapan. Mababakas sa ginang ang takot sa mukha nito. Lahat naman ng empleyadong pinatatawag ni Hayden sa kanyang opisina, kakaibang kaba at takot ang kanilang nararamdaman.

Sinisigurado nilang hindi sila magkakamali kapag kaharap nila si Hayden. Lalo pa't ayaw nilang matanggal sa trabaho.

"Mrs. Diego, gusto kong ihanap mo ako kaagad ng bagong secretary. Kailangan bago matapos ang week na ito, may bago na akong secretary. Ayusin mo ang pagpili. Iyong maayos naman ang itsura at presentableng tingnan. Iyong matalino, of course."

Mabilis na tumango ang ginang. "Opo, sir. Masusunod po."

"Good. Then leave."

Nagmamadaling umalis ang ginang sa kanyang opisina. Pabagsak na naupo si Hayden sa kanyang swivel chair. Mariin siyang pumikit. Nakaramdam siya ng antok ngunit hindi siya puwedeng umidlip dahil may meeting pa siya mamaya.

Buong isang buwan siyang busy sa kanilang kumpanya. Kung sino-sinong businessman ang kinakausap niya. Pati na mga politiko. Ang dami nilang pinatatayong buildings kung saan limpak-limpak na salapi ang pumapasok sa kanila.

Hindi kasi basta lang tumatanggap ng empleyado ang kanilang kumpanya. Kailangan talagang may talento at magaling ang makukuha nilang trabahador. At hindi puwedeng palaging nagka-cash advance. Walang ganoon. Kailangan matutong maghintay kung kailan sasahod. Dahil ang iba kapag paubos na ang sahod, tinatamad ng magtrabaho.

....

Lumipas ang buong maghapon, gabi na naman. Hinawakan ni Hayden ang kanyang batok. Muntik na siyang makatulog sa meeting nila kanina. Ang dami nilang pinag-uusapan sa bagong project.

Pero may mga pinaulit siyang designs na hindi niya nagustuhan. At wala siyang pakialam kung pinaghirapan man iyon ng empleyado niya. Basta hindi niya gusto, kailangan itong ulitin.

"Woah! Mabuti naabutan pa kita. Let's go! Mag-club naman tayo ngayon! Puro ka na lang trabaho eh!" sabi ng kaibigan niyang si Clarence.

Bumuntong hininga. "Hindi ko alam kung magagawa ko pang magpunta ngayon sa club. Inaantok na ako kanina pa."

Tinawanan siya ng kanyang kaibigan. "Wala ka ng ibang inasikaso kun'di ang kumpanya niyong ito at magpakayaman. Sobrang dami mo ng pera, Hayden! Magpahinga ka naman minsan at mag-enjoy!"

Ngumisi si Hayden. "This the type of enjoyment that I want. Magpayaman nang magpayaman. Hindi ko puwedeng sayangin ang araw na dadaan sa buhay ko para hindi kumita ng pera."

"Tangina! Sa susunod niyan, zillionaire ka na sa sobrang dami mong pera! Aba! Baka hindi mo na ako kilala niyan, ha."

"Gagó! Teka, pag-iisapan ko pa kung sasama ako sa iyo ngayong gabi. Nakakatamad din kasi. Wala naman tayong ibang gagawin doon kun'di ang mag-inom at sayawan ng mga bayarang babae," sabi niya bago tumingala.

"Iyon nga ang masaya! Nakakatanggal ng pagod iyon! Bilisan mo na! Huwag mo na akong artehan diyan. Sumama ka na sa akin ngayon. Kahit ngayon lang tayo magpakasaya. Stress din kasi ako sa business ni daddy. Daming utos! Daming kailangang asikasuhin," pagrereklamo ni Clarence.

Ipinikit ni Hayden saglit ang kanyang mga mata. Nakaidlip nga siya ng ilang minuto sa sobrang antok at pagod na rin. At nang magising siya, sumama na siya sa kanyang kaibigan patungong club.

.....

"Ang gaganda nila at ang se-sexy! Lalaki ng susó! Tangina sarap!" tila manyakis na sabi ng kaibigan niyang si Clarence habang pinagmamasdan ang mga bayarang babae na sumasayaw sa kanilang harapan.

Nalukot ang mukha ni Hayden. "Nalilibugán ka sa mga iyan? Tsk. Hindi ako pumapatol sa ganiyang babae. Kapag nagpupunta ako dito, inom lang. Tamang palipas lang ng oras pero hindi ako naglalabas ng babae."

Natawa ang kaibigan niyang si Clarence. "Trauma ka pa rin yata sa ex mo."

Nagtiim-bagang si Hayden. Ang ex niya kasi dati na namatay dahil sa aksidente, hindi niya inakalang isa pa lang bayarang babae. At hindi talaga siya. Pera lang ang habol sa kanya. Sobra niyang minahal ang ex niyang iyon. At hanggang ngayon, hindi pa rin siya nagkakaroon ulit ng girlfriend.

Iniiwas niya ang sarili niya sa mga babaeng sa tingin niya, pera ang habol sa kanya. Kung magpaparaos man siya, sa mga kilalang babae. Halimbawa na kang ang isang modelo. Hindi sa mga babae sa bar o club.

Kaya mas nag-focus siya sa pagpapayaman. Kahit napakayaman na niyang talaga, mas naghahangad pa siyang maging mayaman at mas makapangyarihan. Iyong tipong sasambahin na siya at titingalain ng lahat. Ganoon ang nais ni Hayden.

"Bahala ka diyan. Makikipagsayaw muna ako," sabi ni Clarence bago lumapit sa mga babaeng sumasyaw.

Nagsalin ng alak si Hayden sa kanyang baso. At habang umiinom siyang mag-isa sa table doon, nahagip ng kanyang mata ang isang babaeng nakaupo sa bandang gilid niya.

Nakita niyang umiiyak ang babaeng iyon. Namumula na ang ilong nito. Kumunot ang noo niya habang tinitigan ng husto ang babae. Namilog ang kanyang mata nang mapagtantong iyon ang babaeng muntik na niyang mabangga.

"Tsk. May problema nga pala talaga siya," naiiling niyang sabi bago tinuon ang tingin sa alak.

Ngunit makalipas ang ilang minuto, muli niya pang tiningnan ang babae. Pero wala na ito sa kanyang kinaroroonan kanina.