2: Meeting his Family

Samara's POV

“Ang pangit ng gown mo, masyadong casual.”

“Ang pangit ng suot mo, hindi bagay.”

“Ang pangit ng kulay ng buhok mo? Bakit brown ‘yan? Hindi mo ba alam na formal ang weddings? Bakit hindi mo kinulayan ng itim.”

“Bakit ba ang dami mong ireklamo? Hindi mo ba alam na dapat sa kapwa lalake nagpapakasal ang bakla? Bakit ba kasi ako nandito?” Natahimik siya sa sinabi ko. Panay ang bangayan namin magmulat nang matapos ang ceremony. Dito kami dumiretso sa mansyon nila para makilala na araw ako ng pamilya.

“Ano ba kayong dalawa?! Nasa harap lang natin si Mama oh! Baka marinig kayo!” saway ni Maam Yassy. Papasok na kami ng bahay ngayon. Nauuna sa paglalakad ang Lola niya, ang parents, Tita at Tito, at sumunod naman kami. Habang ang mga mas nakakabata naman ay nasa likod. Grabe, papasok lang ng bata akala mo parada.

“Ito po kasi Maam kanina pa ako nilalait,” pagpapaawa ko kay Ma'am. Nag pout pa ako para mas effective. Hehehe!

“Rowan sinasabi ko sa ‘yo, ikaw din ang mahihirapan kapag pinagana mo ‘yang kaartehan mo!”

“Aray!” Pinalo siya ng pamaypay ng Tita niya. Nang tumalikod ito ay pasimple ko siyang nginisihan at tinaasan ng gitnang daliri.

“Anak ka ng demonyo,” bulong niya.

“Ma'am oh, anak daw pop ako ng demonyo.” Muli siyang Nilingon nito at sinamaan ng tingin, “‘May dagdag po ang sahod ko kapag inaaway niya ako ‘di ba?”

“Oo, utang na loob manahimik lang kayo.” Hindi namin namalayang nasa sala na pala kami, “Saka tawagin mo akong Tita ano ba? Mahahalata tayo nyan eh.”

“Anong pinag-uusapan niyo dyan?” Nakangiting tanong ng Lola niyang malapit nang mamatay, “Maupo muna kayo rito ija.” Iminuwestra niya ang sofa sa gilid niya at tumalima naman kami.

Hirap na hirap akong hila-hilahin nag gown ko habang ang magaling kong asawa ay hindi man lang ako tinutulungan. Nakaupo na silang lahat at pinapanood lang ako hanggang sa makaupo.

“Sorry po, ang haba po kasi.” Ngumiti ako sa kanila at saka umupo. Kaharap ko ang Mama at kapatid niyang bunso habang ang Lola naman niya ay nasa kanan ko at siya naman ang sa kaliwa. “Good evening po,” bati ko sa Mama niya pero inismiran lang ako nito. Ay? Attitude ka beh?

“Kamusta ka naman ija?” Hinawakan ng Lola niya ang kamay ko.

“Okay lang po, kayo po? Okay lang po ba kayo? Malapit na raw po kayong mamatay?” Napasinghap silang lahat at panay ang siko ni Rowan sa braso ko, “Ano ba? Masakit!”

“Insolent! Saan mo ba napulot ang babaeng ‘yan Rowan?!” galit na sigaw ng Nanay niya at tumayo pa.

“Don't talk to my Mother that way.” Sita ng Tatay niyang kamukha ng Papa ni Merida. Grabe ang laki ng katawan at ang lago rin ng buhok sa mukha.

“It's okay, kalma lang kayo. Hahaha! Nakakatawa ka naman ija, ilang taon ka na?” Magiliw pa rin akong kinakausap ni Lola kaya nginitian ko rin siya.

“Twenty nine po, Lola.”

“Mas bata ka pala kay Rowan, saan ba kayo nagkakilala? Hindi talaga namin akalaing na he has a girlfriend. Aba eh napaka ilag sa babae ng batang iyan!” Napalingon ako kay Tita Yassy at Rowan, Anong isasagot ko? “Ija?” muli niyang kinuha ang atensyon ko.

“A-ah eh ano po, magkaklase na po kami from high school to elementary. Tapos noong college po siya palagi po siyang nagpupunta sa coffee shop kung saan po ako nagtatrabaho. Doon na po kami nagkaron ng relasyon.”

“That's so lame,” bulong ni Rowan sa tabi ko kaya agad ko siyang siniko.

“Nung college siya? Sa trabaho mo?” Bingi ba ang Mama ni Rowan? Itanong ko nga mamaya, “Ibig sabihin hindi ka nag kolehiyo?”

Tipid akong ngumiti at umiling, “HIndi ko po natapos.”

Makahulugan silang nagkatinginang mag-aasawa, “Anong kurso mo?” Nagsimula nang magtaas baba ang tingin sa akin ng Mama niya.

“N-nursing po.” Pakiramdam ko hinuhusgahan nilang lahat ang buong pagkatao ko.

“Ang kurso ng mga taong gusto umahon sa hirap, I see.” Tumango-tango pa ito. Mukhang alam ko na kung saan namana ng bading na ‘to ang itim ng budhi niya.

“Tama na ‘yan, magpahinga na kayo. Ija ipinahanda ko na ang master's bedroom niyo ni Rowan. Iyon na ang magiging kwarto niyo ha?”

“What?! Aww!” Inapakan ko ang paa niya at ngumiti kay Lola.

“Salamat po, Lola. Hayaan niyo po, bibigyan ko kayo kaagad ng apo. Ilan po ba ang gusto niyo?” Magkahawak kamay pa kami habang naglalakad papunta sa kwarto. Mukhang ayaw sa akin ng mga magulang niya at halata namang Lola niya ang nasusunod sa pamamahay na ito. Kaya syempre, sa boss ako magpapasipsip, mautak ‘to ‘no!

“Kaya mo ba ang tatlong kambal?”