Chapter 134

PERFECT MISTAKE 20

Umalis sila ng siyudad, isang linggo na ang nakalilipas. Napangiti si Rosemarie nang marinig ang malakas na halakhak ni Celine sa di-kalayuan.

“Jorus, stupid ka talaga.”

Awtomatiko ang pag-angat ng kanyang tingin nang marinig ang sinabi ni Celine. Mataray na binelatan ng anak niya nasa dalampasigan ang kaklase nito.

“Celine!” malakas ang boses niyang sita at binitawan ang pamaypay sa tabi ng iniihaw na barbeque at nilapitan ito. “Hindi ba sinabi ko sa ‘yo na huwag kang magsasalita ng ganyan.”

Mabilis itong nagtago sa matabang si Jorus nang nagkunwari siyang naghahanap ng pangpalo rito.

“T-Tita, hindi po kasalanan ni Celine,” kanda-iling si Jorus, ibinuka pa ang magkabilang kamay para huwag niyang mapalo ang pilyang bata. “Ako po unang nang-away sa kanya.”

Bumalik siya sa ginagawa matapos paningkitan ang batang mataba. Akala niya ay madadala ito sa ginawa niya ngunit talagang pi