Chapter 93

CHAPTER 93

Nasa Pilipinas na pala si Dominic. Nakita niya sa social media post ng kapati nitong bunso ang larawan ng kanyang ex-husband at ex-bestfriend na magkahawak-kamay habang palabas ng airport.

Hindi niya naman magawang i-unfriend si Irish dahil mabait sa kanya ang babae. Isa si Irish sa mga kapatid sa labas ni Dominic. Namatay na ang ina nito kaya sa poder ng pamilya ng kanyang dating asawa nakatira.

Mabait talaga sa kanya ang babae. Inaamin nito na talagang ipokrito ang pamilya ng ama kaya talagang magkasundo sila.

Matagal na rin silang hindi nag-uusap nito. Nag-chat lang sa kanya nitong nakaraang buwan dahil bumili ng cabinet at mesa. Iniimbita nga siya nitong pumunta sa reunion ng pamilya ng mga ito. Syempre, hindi siya pupunta. Hindi na siya uulit at isa pa, hindi naman na siya parte ng pamilya.

“Quin is sleeping.”

Naibaba niya ang kanyang cellphone nang marinig niya ang boses ni Kien Massimo sa kanyang likuran. Nakatingin rin ito sa cellphone niya nang nilingon n