CHAPTER 16

Hinayaan na niya si Ivan na mag-asikaso ng mga ipinamili niya dahil tutal wala itong ginawa kundi sirain ang araw niya. Kahit alam naman niya na may kasalanan din siya. Dahil mukha naman wala itong masamang intensyon sadyang dahil hindi lang siguro siya sanay sa kinikilos nito maging ang mga salitang lumalabas sa bibig ni Ivan.

Katulad na lang ng nag-aalala, naghihintay at nagseselos?

’Yon lang naman ’yong mga sinabi niya kay Celine na hanggang ngayon ay nanatili pa rin palaisipan kay Celine.

Natapos na lang niya ang pagligo ngunit hindi pa rin maalis sa isip niya ang mga salitang binitawan ni Ivan mismo sa mga mata niya.

Hindi ba dapat ay matuwa siya?

Pinilit na lang alisin ni Celine ang isipin na ’yon. Pagkatapos niyang mag-ayos ay muli na siyang bumaba para kumain ng almusal. Gano’n na lang kabilis na gumuhit ang gulat at pagtataka sa kaniya dahil sa naabutan niya pagkababa niya ng hagdan.

Agad niya kasing naamoy ang napakabango niluluto na hindi siya puwedeng magkamali na