Chapter 18: Jealous?

"ANONG meron?" usisa ni Keirah pagpasok niya ng kumpanya.

Pagdating niya pa lang ng department kung saan siya naka-assign ay walang mga tao doon. Kaya naman naglakad-lakad siya at heto nga at nakita niya ang mga kasamahan na nag-uumpukan sa Resting Area.

"May bisita kasi si Mr. Montevella. Grabe! Kung hot at gwapo na ang Boss natin, hindi yon papatalo," namimilog ang mga mata ni Lorraine habang nagkukwento.

Naghagikgikan ang mga babae samantalang bumuntong hininga naman ang mga lalake. Naapakan na naman ang mga ego.

"Girl, mas gwapo pa din si Mr. Montevella don! Kung mukha siyang Chinese, koreano naman si Mr. Montevella!" nakangusong sabad naman ni Melanie. Halatang ayaw patalo ang manok eh.

"Teka, teka. Puro kayo gwapo, sino ba kasing bisita?" naiinip na siya.

"Yung Director ng Shen Group, may personal meeting kay Sir Davidson. Galing pa China yan, kaya malamang confidential yan," ang seryosong si Louie na ang sumagot sa kanya.

"Ah," tumatango-tango na sagot n