Chapter 19: Dark

"KEIRAH, hindi ka pa ba uuwi? Alas-nuebe na, oh"

Sinulyapan lang ni Keirah ang nagaayos na si Melanie. Nagrere-touch ang kaibigan para fresh naman bago umuwi.

"Tatapusin mo talaga iyan?" inip nitong hinihintay ang sagot niya.

Tumango lang siya habang nananatili lang ang tingin sa harap ng computer.

"Wednesday na 'to ng gabi, 'di ba? Kailangan ko 'tong tapusin ngayon para ma-set up na bukas. One day na lang ang preparation," inayos niya ang salamin na suot, bahagya niyang kinusot ang mata dahil nangangawit na sa kakatitig sa monitor.

"Bakit naman kasi sayo pinagawa iyan? Hindi naman yan kasama sa trabaho mo eh," nakaismid na wika ni Melanie.

"Okay lang, Melanie. Trabaho din naman 'to," sana lang umabot sa tenga ang peke niyang ngiti.

Hindi talaga okay. Hindi talaga alam ni Keirah kung bakit siya ang mago-organize ng birthday party ni Mr. Montevella.

Gawain dapat yon ng HR. O kaya, pwede naman mag-arkila ng event organizer.

Kanina lang ay inutusan s