CHAPTER 20

Huminga muna nang malalim si Angge bago siya pumasok sa isang bahay kung saan siya nakatalaga ng araw nang 'yon para maglinis.

"Good morning po, Ma'am. Ako po 'yong ipinadala ng A and J cleaning company para maglinis sa bahay niyo," nakangiti niyang sabi nang mapagbuksan siya ng isang babaeng nasa 30's ang edad nito.

"Oh, please come in," aya nito sa kanya at agad naman siyang pumasok.

Nang nakapasok na siya ay ganu'n na lamang ang pagkaawang ng kanyang mga labi nang makita niya kung gaano kagulo ang loob ng bahay na kanyang lilinisin.

"Clean everything," sabi nito sa kanya saka niyo dinampot ang bag na nakapatong sa isang sofa. "Kailangan sa pagbalik ko ay malinis na. I gotta go. Just lock the door and go home if you're done cleaning. Understood?"

Dahil sa sobrang kalat na bumungad sa kanya ay hindi na niya narinig ang sinabi sa kanya ng babae.

"Miss?" pukaw nito sa kanya