KABANATA 2

Umawang ang mga labi niya at hindi pa rin makapaniwalang hawak siya nito. Hindi siya makabuo ng salita kahit pa ang dami niyang gustong itanong. Para din siyang kakapusan ng hininga ngayong nakadikit ito sa kanya.

"I know you want me," muling bulong nito at dinampihan pa ng h*lik ang punong tainga niya.

Doon siya napakurap at mabilis itong tinulak. Lumayo siya rito habang tumikwas lang ang kilay nito.

"A-no bang ginagawa mo rito? Bumalik ka sa kwarto ni Ate," may kabang utos niya.

Marahan itong humakbang dahilan upang umatras siya.

"So you don't want me here?"

Napaiwas siya ng tingin at hindi makasagot. Nagdadalawang isip siya sa sasabihin. Masaya siya ngayong nasa harap niya ito pero nakokonsensya siya dahil dapat na nasa loob ito ng kwarto ng ate niya.

"A-no bang kailangan mo?"

Napapikit siya nang mariin noong inilang hakbang lang siya nito at agad na hinuli ang bewang niya. Sobrang lakas ng tibok ng puso niya. Hindi rin siya makahinga nang maayos sa lapit nito. Ayaw niyang imulat ang mga mata sa takot na masalubong ang mainit nitong titig.

"What if I tell you that I like it here... beside you," naging paos ang boses nito.

Kinuyom niya ang kamay dahil hindi niya mapigilan ang sayang naramdaman sa narinig. Totoo ba talaga ang sinabi nito?

"T-his is wrong. Bumalik ka sa ate ko—"

"You're pushing me away? Akala ko ba gusto mo ko, hm?"

Nahigit niya ang hininga matapos masamyo ang mabangong hininga nito. Napasinghap pa siya matapos bumaba ang palad nito sa hita niya.

"S-andali, hindi pwede 'to. Doon ka na."

Muli niya itong tinulak ngunit mas lalo lang siya nitong hinapit dahilan upang mapamulat siya nang mga mata. Para siyang nalulunod matapos masalubong ang mga maitim nitong mata na puno ng pagnanasa.

"I want you, Crystal," madiin nitong bigkas na tila ba wala siyang pagpipilian kun'di um-oo.

Napalunok siya ngunit nangilid din ang luha sa mga mata niya. Pilit niyang linalaban ang tukso dahil gahibla na lang ay siya na ang hah*lik dito.

"P-aano ang ate ko? Mali na nandito ka—"

"Shh. She's sleeping, she's not my type."

Mas hinapit siya nito at akmang hah*likan ngunit pinigilan niya ang d*bdib nito.

"Bakit mo pa siya pinakasalan kung hindi mo pala siya gusto?"

Kita niyang pumikit ito nang mariin na tila ba nainis sa tanong niya. Umigting din ang panga nito. Halatang nauubusan ng pasensya.

"Do you like me or not?" aroganteng tanong nito.

Napakurap siya, para bang minamadali siya nito. Kahit gusto niya ito, ayaw naman niyang gumawa ng kasalanan.

"Kapag ba pumayag ako, hihiwalayan mo si ate?"

Nanliit ang tingin nito, dumiin din ang hawak sa bewang niya. Matagal bago ito nagsalita.

"This is just a matter of whether you want me or not, Crystal. Lalabas na ako kung hindi mo gusto," malamig na bigkas nito.

Binitiwan siya nito at tinalikuran. Naalarma siya at agad na pinigilan ang siko nito.

"S-andali."

Nilingon siya nito mula sa likod. Nanginginig ang kamay niyang binitiwan ito. Bahala na!

Lumunok siya at huminga nang malalim.

"Gusto kita—"

Hindi niya naituloy ang sasabihin matapos siya nitong sunggaban ng h*lik. Kusang pumikit ang mga mata niya at humawak sa braso nito habang madiin nitong hinapit ang bewang niya. Agad niyang sinagot ang mapusok nitong h*lik hanggang sa bumagsak sila sa kama.

Alam niyang lunod na lunod siya sa pagkakagusto rito kaya't kahit alam niyang mali ang ginagawa ay hindi niya pinigilan ang sariling magpa-*ngkin dito. Buong loob niyang binigay ang pinaka-iniingatan niya. Para naman talaga kay Royce iyon kaya't wala siyang pinagsisihan sa gabing iyon.

Akala niya ay panaginip lang ang nangyari noong paggising niya at hindi ito makita sa tabi niya. Napabalikwas siya ng bangon ngunit napad*ing sa sakit ng katawan niya partikular sa pagitan ng kanyang mga hita. Sandali siyang natigilan at napagtantong wala rin siyang ni ano mang saplot. Pagtingin siya sa kama ay may kaunting mantsa ng dugo sa bed sheet.

Napakurap siya at inaalala ang nangyari, totoo talagang nasa kwarto niya ito lalo pa't kasabay niya itong umungol kagabi! Siya ang sinamahan nito imbis na ang ate niya!

Para siyang maiiyak sa tuwa. Nawala lahat ng pagluluksa niya at napalitan ng pag-asa na baka gusto rin siya nito. Wala na siyang pakialam kahit pa masaktan ang ate niya kapag hiniwalayan ito ni Royce, ang importante sa kanya ay siya ang pinili nitong samahan sa mismong gabi ng kasal nito.

Wala siyang sinayang na oras, gusto niyang makita agad si Royce kaya't kahit manhid pa ang mga hita niya at nahihirapan siyang maglakad ay bumaba siya sa kusina. Nag-a-almusal na ang mga magulang niya roon.

"Mukhang maayos ka na, anak," puna ng Mommy niya.

Napahawak siya sa pisngi niya, "Tanggap ko na po."

Ngumiti ito nang malawak. Tumayo pa ito para h*likan siya sa pisngi at yakapin.

"Balang araw, ikaw naman ang ikakasal pero huwag mo na ngayon ah? Bata ka pa tsaka wala na akong baby girl kapag kinasal ka na." Napanguso pa ang Mommy niya.

Tipid siyang ngumisi at tumango. Talagang balang araw siya naman ang ikakasal kay Royce!

Sa sobrang sweet ng Mommy niya ay ito na mismo ang naglagay ng pagkain sa plato niya. Saktong pasubo siya noong lumitaw sa kusina ang Ate niya, nakapang-opisina na rin ito. May bitbit itong dalawang roba na mukhang ipapalaba nito. Natigilan pa siya matapos makita ang asul na roba, mas lalo tuloy niyang nakumpirma na hindi panaginip ang kagabi. Iyon ang suot ni Royce kagabi!

Napaangat siya ng tingin dito. Malaki ang ngiti nito na akala mo ay hindi ito iniwanan ng asawa kagabi. Nainis siya bigla pero baka nakatulog nga ito kaya't iniwan ni Royce.

"Magtatrabaho kayo agad? Bakit hindi muna kayo mag-honeymoon?" suhestiyon ng Mommy niya.

Simpleng umikot ang mga mata niya sa narinig. Tinikom niya ang bibig upang hindi makapagkomento.

"Dapat nga ay hindi dito sa bahay ang first night ninyo," dagdag pa ng Mommy niya.

"Ma, naman. Okay lang, tatapusin muna namin ni Royce ang mga trabaho bago magbakasyon para naman hindi mamroblema si Crystal."

"Aysus, gusto ko na ng apo ano. Di ba, Daddy?" baling pa ng mommy niya sa kanyang Daddy Javier.

"Huwag mong madaliin ang mga bata. Hayaan mo munang mag-enjoy sila sa isa't isa."

Mahinang natawa ang Ate niya, "Daddy, naman. Darating ang apo ninyo, maghintay lang kayo."

Napangisi siya sa narinig. Darating nga ang apo nila pero baka sa kanya pa manggaling.

Niyaya itong umupo ng mommy niya ngunit tumanggi ito. Sakto naman ay lumitaw si Royce kaya't napaupo siya nang tuwid. Kiniling niya ang ulo at simpleng inipon ang buhok niya sa kaliwang balikat upang makita nito ang leeg niya. Alam niyang nag-iwan ito ng marka roon kagabi.

Napakurap siya noong tila hindi siya nito napansin na nasa mesa rin matapos mag-good morning din ito sa mga magulang niya.

"Let's go, Love?" Hinapit pa nito ang bewang ng ate niya.

"Aalis na kayo agad? Ayaw niyo bang kumain muna?" alok ng Mommy niya.

"Hindi na, Mommy. Drive-thru na lang. May maaga pang meeting si Royce," tanggi ng ate niya.

Sinubukan niyang sulyapan si Royce ngunit nakatitig lang ito sa ate niya na tila ba wala itong ibang nakikita kun'di si Courtney Fuentes lang.

Kumuyom ang kamao niya at napayuko. Bahagyang nanakit ang puso niya. Huwag mong sabihing nakalimutan na nito ang nangyari kagabi? Nagpalipas lang ba ito ng init sa kanya?

"Isabay niyo na si Crystal, sa kumpanya rin naman kayo didiretso," suhestiyon ng Daddy niya.

Napaangat siya ng tingin, sakto na nakatingin sa kanya ang bagong kasal.

"Gusto mo bang sumabay, Baby sister—sandali, nakagat ka ba ng lamok? Ano iyang nasa leeg mo? Bakit namumula?" Lumapit ang ate niya at hinawakan pa iyon.

Napatayo siya kasabay ng kabog ng d*bdib niya. Ang gusto niyang makakita at makaalala no'n ay si Royce!

"Lamok? Patingin nga." Tumayo rin ang Mommy niya ngunit umiwas siya.

"Wala ito." Tinakpan niya ang leeg ngunit ang tingin niya ay dumiretso kay Royce.

Kita niyang gumalaw ang adams apple nito pero nakayakap pa rin sa Ate niya. Kumabog ang d*bdib niya matapos mapunta sa leeg niya ang tingin nito.

"It's not a mosquito bite, it looks like a kissmark," mabigat nitong bigkas na kinatahimik ng kusina.

Hindi niya maialis ang tingin kay Royce, hindi rin naman ito nag-iwas ng tingin. Hinihintay niyang umamin ito dahil handa naman siyang tanggapin ang parusa niya basta sila hanggang huli.

"Who gave you a kiss mark last night, Crystal?" maingat nitong tanong bago umangat ang gilid ng labi nito.