Chapter 61

“Nahihilo ka pa? Nasusuka?” tanong sa kanya ni Alexandros habang dahan-dahan sinusuklayan ang buhok nya, kakatapos lang kasi nito ‘yon iblower para matuyo. Pagka dating kasi nila sa main villa ay agad sya nitong pinaligo para kahit papaano ay gumaan ang pakiramdam nya.

Umiling-iling sya bago ito sinagot. “Hindi na, nahilo lang talaga ako gawa ng pagsabunot sa’kin tsaka nakainom nadin ako ng gamot para sa acid ko.”

Bumuntong hininga ito, mukhang masama padin ang loob dahil nasaktan sya.

“Hey! Okay lang ako.” Natatawang sabi nya dito at hinawakan ang kamay nitong may hawak na suklay. Huminto naman ito sa pagsuklay at tumingin sa kanya. Nasa kama sila nito at parehas na nakasuot ng pantulog.

“Natatakot ako.” Pag-amin nito sa kanya.

“Saan ka naman natatakot?”

“Natatakot ako na b-baka maulit itong nangyari sayo… baka sa susunod hindi lang ito ang mangyari sayo.”

Bigla naman syang nanlambot sa sinabi nito, bakas din sa gwapo nitong mukha ang takot at pangamba na baka may mangyari sa kanya.