CHAPTER 9

ABALA SI DANE ngayong araw dahil mayroong delivery sa kanila ngayon ng mga bulaklak. Tinutulungan niyang mag-ayos sina Lean at Asheng. Hindi naman porke siya ang may-ari ng flower shop, tatanga lang siya. Of course, she also has a responsibility to help her employees.

Pero habang abala si Dane sa kaniyang ginagawa, ang isip niya'y lumilipad sa nangyari noong nakaraang araw. She lost her son, and Greg Estrada found him. Mabuti na lang at nakagawa siya ng paraan para makabalik si Damien sa kaniya. Naging malapit na agad ang bata sa lalaki. Tapos gusto pa nito na maging tatay ang lalaking iyon. E, ayon naman ang totoo. Greg Estrada is Damien's father, pero wala siyang balak na ipakilala ito sa anak niya bilang ama nito.

Nangako siya sa sarili niya na panghahawakan niya ang pangako niya noong hindi pa man niya naisisilang si Damien. Magulo ang buhay ni Greg Estrada kaya mas mabuti kung hindi na lang kilalanin ito ni Damien.

Pero mukhang mahihirapan na siyang magtago ngayon. Sa mga araw n