Chapter 19 Ang Sweetness nina Storm at Judith

"HINDI ako tatanggap ng sinumang bisita," mariing sabi ni Storm sa kanyang sekretarya. Ni hindi na nga niya ito pinagkaabalahang tapunan ng tingin. Basta ang importante, nagawa niyang sabihin kung ano ang gusto niya. Basta ang atensyon niya ngayon ay nakatuon kay Judith. "You're not okay."

"Yah," sabi nito saka marahang tumango. Ayaw naman kasi niyang magsinungaling dito kaya umamin na siya. Hindi rin naman kasi talaga siya sanay na nagsisinungaling. Saka, mas magaan sa dibdib kapag alam ng lahat ang kanyang plano, lalo na nang kanyang kapamilya.

"Ano ba kasi ang nararamdaman mo?" natataranta niyang tanong ngayon. Hinipo pa niya ang magkabilang pisngi at leeg nito dahil gusto niyang makasigurado na okay lang ito. Hindi naman iyon mainit. Sa katunayan nga ay nanlalamig pa ito. Gayunman, hindi pa rin niya makuhang maging kampante.

"Kinakabahan." Nahagilap niyang sabihin. Dalangin lang ni Judith ay hindi na tanungin pa ni Storm kung anong eksaktong nararamdaman niya dahil baka hindi siy