Chapter 25

Nasa gym siya ng makatanggap ng tawag mula kay Monte. Inaaya siya nitong pumunta sa penthouse para matulungan niya ito.

"Di ba dapat si Ericka ang kasama mo sa ganyan?" tanong niya.

'Andito na sila nina Monica at Marie, ikaw na lang ang kulang.'

"Bakit naman andyan ang malditang yan?" kunot noong tanong niya.

'Galit ka na naman dun?'

"Sinong hindi magagalit dyan inipit ako nyan ng pinto?"

'Hindi naman daw sinasadya. Ikaw naman napakapikon mo'

"Gusto mo ipitin din kita?"

'Gusto mo bang makausap si Monica?'

Naku nga naman. Baka banatan siya ng pinsan kapag hindi siya pumunta. Dapat hindi siya matakot dito eh. Pero kailangan. Sa pamilya nila walang pwedeng kumontra dito at baka makaaway ng buong angkan.

"Oh sige na, papunta na ko!"

'Thank you pare. Wag kang mag alala, may pagkain na dito okay?'

"Buti naman;" pinatay na niya ang tawag nito at baka kung ano ano pa ang sabihin.

Tinitingnan pa rin niya ang daliri na muntik ng mamatayan ng kuko. At naalala na naman niya kung bakit ito nagkaga