4 - Rumors and that red lipstick.

Chyna’s POV

“Salamat po,” sabi ko bago bumaba ng sasakyan.

“Ingat po ma’am,” sabi naman ni Kuya kaya ngumiti ako.

Mabait ang nakuhang driver ni Tita, kung ituring niya ako ay parang anak kaya hindi lang rin driver ang turing ko sa kaniya. Ilang araw na rin mula ng magsimula siya sa paghatid at pagsundo sa akin.

Pagkababa ko ng sasakyan ay naglakad na ako papunta sa meeting place namin nila Nica pero napansin ko na parang tinitingnan ako ng mga nakakasabay kong studyante pero hindi ko na lang pinansin.

“Natapos mo ‘yung activity kay Sir Gamboa?” tanong ni Nica sa’kin pagkaupo namin sa loob ng classroom.

“Oo anong oras na nga ako nakatulog eh,” sabi ko naman sa kaniya.

“Chyna,” tawag sa’kin ni Bea kaya napatingin naman ako sa kaniya.

“Totoo may sugar daddy ka?” tanong nito kaya napataas naman ang kilay ko.

“Saan mo naman nakuha ‘yan?” tanong ni Nica.

“Ay kalat sa school ‘yon eh, kaya tinanong ko na. So totoo? Ang ganda nga nung sasakyan na panghatid sa kaniya,” sabi pa ni Bea at tumawa.

“Ano naman kung totoo?” tanong ko pabalik at ngumiti sa kaniya, natahimik naman siya at umalis na rin.

“Ang landi talaga, kala mo kagaganda,” bulong pa niya pero narinig ko naman kaya napatawa na lang ako ng mahina.

“Mukhang may hindi pa rin nakaka move on sa naging issue sa ex niya,” bulong naman ni Nica na mas nagpatawa sa’kin.

Sinubukan kasi ako ligawan ng ex ni Bea pagkatapos nila maghiwalay eh wala naman akong interes sa lalaki kaya ni-reject ko pero nagalit pa rin sa akin si Bea dahil masyado raw akong nagpi-feeling maganda.

Sanay na akong nagkakaroon ng issue kahit hindi naman talaga totoo, ewan ko ba sa mga tao, parang hobby nila ang manghusga ng tao, parang kailangan nila ng daily supply ng bagong chismis.

Ganoon lang ang nangyari sa mga klase ko, tinitingnan nila ako at bubulong pero hindi ko na pinansin dahil mawawala rin naman iyon, hindi naman maaapektuhan ng mga chismis na ‘yan ang grades ko kaya bahala sila sa buhay nila. ‘Wag lang mapikon si Veronica sa kanila, oo si Nica dahil kayang-kaya noon makipagbardagulan.

“Hanz tara na!” sigaw ko naman kay Hanz ng makita ko siya dahil kanina pa namin siya hinihintay ni Nica dito sa may entrance ng campus.

“Madaling madali ka ba girl?” tanong niya ng makalapit sa’kin.

“Dalian mo na!” malakas ko namang sabi.

“Oh sige na, mauuna na ako at sisimulan ko na ‘yung mga activity na pinagawa nung demonyo,” sabi naman ni Nica kaya napalo ko ang braso niya bago napalingon sa paligid.

“Bunganga mo Veronica!” saway ko naman sa kaniya.

“Ingat,” paalam lang ni Hanz at b****o naman ako kay Nica.

Nagpunta na kami ni Hanz sa mall dahil gusto ko bumili ng panibagong set ng ballpen at bibilhin ko na rin ‘yung architectural book na hindi ko mabili-bili dahil napakamahal talaga. 

Pagkarating namin sa mismong bookstore ay nilanghap ko ang hangin dahil sobrang gusto ko talaga ang amoy dito.

“Hoy umayos ka nga! Para kang sinasapian diyan,” sabi ni Hanz sa tabi ko at hinigit ako papunta sa tabi dahil nasa entrance pa rin kami.

“Ang bango dito,” komento ko at nagsimula na maglakad patungo sa mga school supplies.

“Don’t tell me sa libro mo ipaglilihi ang pamangkin ko?” tanong niya, kaagad ko naman siyang sinuntok sa braso at inirapan na lang.

Bumili ako ng isang set ng rotring pen dahil kailangang kailangan ko noon pati noong iba’t ibang size ng ruler, pati painting materials ay bumili na ako dahil sobrang arte nung prof ko sa major na dapat lahat ng plates namin ay may design. 

Nang madayo naman ako sa fictional books aisle ay talagang pinilit kong huwag lumingon dahil iniisip ko na hindi ko pera ang ginagastos ko at ayokong bumili ng hindi ko naman talaga kailangan.

“Dalian mo na, nagugutom na ko Chyna,” inis na sabi ni Hanz kaya binilisan ko na rin ang pagpili pa ng iba kong kailangan.

Nag-early dinner na kami sa mall dahil maga-alas sais na rin naman ng gabi. Sa fast food lang kami kumain habang nagu-usap tungkol sa mga bagay bagay.

“Buti hindi ka nakipag-away,” sabi niya ng maikwento ko ang tungkol sa nangyari kanina.

“Sanay na ko, halos taon taon ako may issue sa campus,” sagot ko naman bago uminom ng juice.

“Eh si Nica? Anong ginawa?” tanong niya.

“Wala naman, sinagot niya lang rin, buti nga at kalmado ang gaga noon,” sabi ko naman at sabay kami natawa ng mahina.

Huling beses na nagkaroon ako ng issue sa school ay muntikan talagang makipagsuntukan si Nica sa may corridor noong may tumawa sa akin habang naglalakad kami, buti na lang talaga ay napigilan ni Hanz dahil baka matanggal siya sa varsity team kapag nalaman na may nakaaway siya.

Hindi na rin naman kami nagtagal sa mall dahil gabi na at may mga kailangan pa akong gawin sa school. Hinatid lang ako ni Hanz sa bahay at tinulungan ako sa mga bitbit ko hanggang sa loob, pagkaalis niya ay naupo ako saglit sa sofa dahil nakaramdam ako ng kaunting hilo kaya pumikit ako sandali.

“Chyna, wake up.” Narinig ko pero bumaling na lang ako sa kabila dahil inaantok pa ako.

“Chyna, you have to sleep in your room.” Napakunot na ang noo ko dahil ayaw kong magmulat ng mata.

“Ayaw,” sagot ko na lang sa kung sino ang tumatawag sa’kin.

“Chyna,” may warning sa boses ng kung sino man ang gumigising sa akin kaya unti-unti ko ng iminulat ang mata ko, bumungad naman sa’kin ‘tong lalaking ‘to.

“Doon ka sa kwarto mo matulog para hindi ka mahirapan, bakit ba kasi natulog ka diyan?” tanong niya habang pinagmamasdan ako.

“Hindi ah, pumikit lang ako!” depensa ko naman sa sarili ko bago ko tiningnan ang wall clock, nandilat ang mata ko ng makita kong maga-alas diyes na ng gabi.

“Umakyat ka na at doon mo ituloy ang pagtulog mo,” sabi nito sa’kin bago tumalikod na at naglakad patungo sa hagdan.

“Hendrix,” tawag ko naman ng maalalang may sasabihin ako sa kaniya, lumingon naman siya at nagtaas ng dalawang kilay kaya napaiwas naman ako ng tingin bago nagsalita ulit.

“Ano . . . ginamit ko ‘yung card na binigay mo tapos ano- medyo ano- ano ‘yung-” hindi ko natuloy ang sasabihin ko ng marinig ko siyang tumawa.

“Puro ano lang ang naintindihan ko Chy,” sabi naman niya kaya napakamot ako sa tenga ko.

“Malaki ‘yung bill,” nahihiyang pagtapat ko, hindi ko kasi napansin na umabot ng halos fifteen thousand ‘yung bill ko kanina.

“I know. Akala ko nga ay nagshopping ka ng damit at bags o accessories, nagshopping ka lang pala ng ballpen. It’s fine, study hard,” sabi niya at tuluyan ng umakyat.

“Tang*na? Fifteen thousand ‘yung nagastos ko ‘it’s fine’?” bulong ko sa sarili ko, paggastos nga lang ng sobra sa isang libo ay parang sinasakitan na ako ng puso.

Umakyat na rin ako sa kwarto ko bitbit ang mga gamit ko, pinilit ko namang tapusin ang mga activity na kailangan ko ipasa bukas kaya medyo late na talaga ako nakatulog. 

Parang wala pang ilang oras mula ng ipikit ko ang mata ko ay nagising na lang ako dahil nasusuka ako kaya agad akong bumangon at dumiretso sa banyo para sumuka sa may bowl. 

Parang nawalan ng laman ang tiyan ko pagkatapos kong sumuka, hinugasan ko na ang mukha ko at bumalik sa kama ko pero ng makita kong limang minuto na lang ay magri-ring na ang alarm clock ko ay nag-ayos na lang ako ng kama ko at bumaba na sa sala.

“Good morning Nay Mely,” bati ko naman sa kasambahay namin na nakita kong naga-ayos na ng hapag kaya ay tumulong ako sa paga-ayos niya at ako na ang nagtimpla ng kape para kay Hendrix at iced choco naman para sa akin.

Mahilig naman talaga ako sa kape noon pero sabi ni Mama ay masama raw ang kape sa baby kaya pinilit ko ng limitahan ang sarili ko.

“Good morning,” bati naman ni Hendrix nang makarating sa dining table kaya tumango ako sa kaniya.

Nagsimula na kami mag-almusal, normal naman na tahimik kami sa hapag dahil wala naman kami kailangan pag-usapan. Nang matapos ako ay nagpaalam na ako sa kaniya para makapag-ayos na rin ako agad. 

Pagkababa ko sa sala ay nagsusuklay pa ako ng buhok, dumiretso naman ako sa kusina para kuhain sa freezer ang tubigan ko. 

Pabalik na ako sa sala ng marinig ko ang pagtunog ng door bell kaya ay dumiretso na ako sa front door para buksan ‘yon.

“Sino po sila?” tanong ko naman sa babaeng nakita ko.

“Are you his maid? Can you make me a coffee?” tanong niya at pumasok ng diretso kaya nagulat naman ako at napapikit-pikit pa.

“Miss excuse me, baka nasa maling bahay ho kayo,” sabi ko naman ng makabawi ako.

“This is Hendrix’ new house right?” tanong niya habang prenteng nakaupo sa sofa namin.

“Kim?” Napatingin naman ako kay Hendrix na nakababa na pala sa hagdan.

“Hi love, did you miss me?” tanong nito at lumapit kay Hendrix at umangkla sa braso nito kaya nailang naman ako kaya lumapit na lang ako sa kinalalagyan ng bag ko.

“Kim how did you know this house?” seryosong tanong naman ni Hendrix.

“I have my sources love,” sagot nito, nakita ko naman na tinanggal ni Hendrix ang hawak nito sa kaniya kaya napangiti ako, mukhang hindi sila in good terms ah.

“Kim, we literally broke up a year ago. Hindi tamang bigla ka pupunta sa bahay naming mag-asawa,” sabi ni Hendrix kaya napatalikod naman ako agad ng marinig ko ang word na asawa dahil ayoko madamay, may problematic past ata sila.

“What do you mean married? Ni hindi ka nga nagkaroon ng girlfriend after ko,” komento nung babae at tumawa pa pero nanatiling tahimik si Hendrix.

Buti na lang narinig ko na ang busina sa labas kaya agad ko kinuha ang bag ko para lumabas na, lalampas na sana ako sa kanila nang bigla may humawak sa palapulsuhan ko kaya napalingon naman ako, nakita kong itong babae ang nakahawak sa’kin kaya tinaasan ko siya ng kilay.

“This is your . . . wife?” tanong niya at tiningnan niya ako mula ulo hanggang paa kaya nailang naman ako, binawi ko naman ang kamay ko mula sa pagkakahawak niya.

“Yes, so please just treat me as a business partner Kim,” sabi ni Hendrix.

“Alis na ko,” paalam ko at ngumiti pa ako ng pilit sa kanila bago naglakad na paalis, kaso bago pa ako makalabas ng front door ay may sinabi pa ‘yung babae.

“She’s not even that beautiful, why did you marry her?” tanong niya na nakapagpairap sa’kin.

Akala mo kung sinong maganda eh hindi naman bagay sa kaniya ang red lipstick niya, mukha pang tinurukan ang labi niya. What a great way to start a day.