Chapter 2

Bihis na si Charline nang lumabas ng banyo si Mr. Vergara, halatang alaga sa ehersisyo ang katawan nito para itong modelo sa mga nababasa n'yang men's magazine, iniwas ng dalaga ang paningin sa ibabang bahagi ng katawan nito na natatakpan lang ng maikling tuwalya. Nahihiya s'yang nagyuko ng ulo nang tingnan s'ya nito. Para s'yang alipin na naghihintay na manduhan ng amo.

"Follow me." Narinig n'yang muling utos nito. Tapos na itong magbihis,  naka-suot ito ng simpleng short at white t-shirt na tila lalo lang nagpadagdag sa karisma nito. Sinundan n'ya ito palabas ng silid. 

Tinalunton nito ang maluwang na sala saka binuksan ang may kalakihang pinto na yari sa kahoy na may kakaibang ukit na hindi n'ya maintindihan. Bumungad sa dalaga ang may kalakihang Dining Area, may mahabang dining table na tingin n'ya ay tila mamahaling antigo. Tanaw n'ya ang katamtamang luwang ng kusina mula sa kinatatayuan. Para s'yang nasa lumang pelikula ng international movies. 

"Tatayo ka na lang ba 'dyan?" Nakatitig na naman ang mga mata nitong tila laging may nais ipahiwatig.

"S-sirr?" 

"Magluto ka na! Marunong ka naman sigurong gumamit ng stove?" Sarkastikong utos nito.

"Yes Sir." Pinilit n'yang maging kalmado kahit unti-unti na naman s'yang kinakabahan. Makakasama n'ya ito ng dalawang linggo at hindi n'ya alam kung paano masasanay? Para itong Heneral na laging nag-uutos sa mga disipulo. Idagdag pa sa isiping kailangan n'ya itong tabihan sa kama.

Nakahinga s'ya ng maluwag nang iwanan s'ya nito. Binuksan n'ya ang malaking refrigerator at tumambad sa kan'ya ang iba't ibang uri ng pagkain. Napapalatak s'ya at napa- Sana all, kumpleto ang laman ng fridge. Naglabas s'ya ng karne ng manok na nakalagay sa katamtamang laki ng storage box at ilang gulay na ihahalo n'ya sa chopsuey at cabbage omelette na naisip lutuin.  Nakalimutan n'yang itanong kung ano ang gusto nitong kainin? Bahala na, aniya sa sarili. Nakita n'yang may box nang chocolate cake kaya siguro naman pwede nang 'iyon ang ihain n'yang dessert.

Naghahain na s'ya nang muli itong bumalik. Humila nito ng upuan at nag-umpisa nang kumain. Tumango-tango ito na tila nagustuhan ang iniluto niyang pagkain."Masarap kang magluto." Sinulyapan s'ya nito. 

"HRM student po ako Sir, nasa huling taon na po ako ng culinary arts." 

Tila nagulat ito. 

"Saluhan mo ako." 

"Ho?" 

"Sabi ko, saluhan mo ako." 

Napilitang kumuha ng plato si Charline at humila nang upuan malapit rito. Nanginginig ang kamay na nagsandok s'ya ng kanin at muntik n'ya pang mabitiwan ang serving spoon.

"So, working student ka pala?" Sa gitna nang pagsubo ay tanong nito.

Nahihiyang tumango si Charline.

"Ilang taon ka ng HC prostitute?" 

"Ho?" Muntik na mabilaukan ang dalaga. Tinakpan n'ya ang bibig para hindi tumalsik ang pagkaing nginunguya. HC prostitute ang tawag sa mga empleyado ng Club Halimuyak- High Class Prostitute. Pinagandang tawag sa babaeng mababa ang lipad. High Class, dahil lahat ay mga magagandang babae na maihahalintulad sa mga naggagandahang modelo. Puro mayayaman ang parokyano na naghahanap ng panandaliang-aliw para pagbigyan ang tawag ng laman.

"May nakakagulat ba sa tanong ko?" 

Umiling ang dalaga. Ano nga ba ang inaasahan n'ya? 

"Bagong pasok lang ho ako." Sinubukan n'ya itong tingnan sa mga mata. Pero nagsisi s'ya, ang hirap palang makipagtitigan sa ganito ka-gwapo? Tantiya n'ya ay nasa edad trenta lang ito, malayo sa inaakala n'yang isa na itong DOM. 

"Bakit ito ang pinasok mo? Marami namang marangal na trabaho?" 

Gusto n'yang maluha sa tanong nito. Bakit nga ba?

"May kailangan akong bayaran." 

"Kaya magbebenta ka ng katawan? Mindset ng mga mahihirap na gustong kumita sa madaling paraan."Naiiling na tinapos nito ang pagkain.

Pakiramdam ni Charline ay sinampal s'ya sa tinuran nito. Natutulalang iniligpit n'ya ang pinagkainan nila at naghugas ng plato. 

Muntik s'yang mapatalon nang bigla itong sumulpot sa tabi n'ya, nakaupo na s'ya sa upuang malapit sa lababo at ipinahinga ang mga binti.

"Ayusin mo na ang sarili mo, aalis na tayo." 

Agad-agad? Nagmadali s'yang sumunod rito. Nakita n'ya ang nakangiting driver ni Mr. Vergara. Saan kaya ito nanggaling? Biglang nawala kaninang umaga matapos s'yang ihatid. Tapos parang kabuteng bigla na lang muling sumulpot. Tanong n'ya sa isip.

"May quarters sa likod ng bahay si Mang Banoy." Tila nahulaan nito ang gusto n'yang itanong.

Tinulungan s'ya nitong isakay ang mga dala nilang bagahe. Ihahatid daw sila nito sa Vergara's Building. Pamilyar sa kan'ya ang pangalan pero hindi n'ya alam kung saan sa Makati. Napabuntong-hininga s'ya, ni hindi man lang s'ya nito pinagbigyang maligo man lang.

Tantiya n'ya ay mga isang oras pa lang yata ang nakalipas ay heto na sila, nasa loob na sila ng elevator ng Vergara's Building. Nasa rooftop ang sasakyan nilang private chopper nito. Namangha s'ya sa nakikita, ubod pala ito ng yaman.

Sinikap n'yang ayusin ang mahabang buhok na nagulo dahil sa lakas ng hampas ng hangin pero nagkabuhol-buhol na ito kaya tinalian n'ya na lang ng lastiko. Kinakabahang tumingin s'ya sa ibaba ng himpapawid nakita n'yang papaliit na ng papaliit sa paningin n'ya ang mga gusali habang papalayo sa pinanggalingan. Pinakiramdaman n'ya ang katabi, blangko ang ekspresyon nito, bigla s'yang kinabahan sa paraan ng pagtitig nito sa kan'ya. Iniwas n'ya ang paningin at lihim na umusal ng panalangin na sana makayanan n'ya ang pakikisama rito.