Chapter Ten

Sofia

"HIMALA yata't nag-aya kang lumabas ngayong gabi, Sofia? Saan kaba galing, ha? Bakit itong si Mike ang gumawa ng photoshoot mo dapat kanina sa Chic Mag?" sunod-sunod na tanong ni Glenn sa kanya habang pumipilantik pa ang mga pilik mata.

Katabi nito si Mike na mukhang alam na kung anong rason ng pinagmamarakulyo ng kaluluwa niya. Sa kanilang magbabarkada kasi ay si Mike talaga ang isa sa mga pinakaclose niya dahil pareho sila ng forte at pareho silang galing UP.

They were currently at Redlight. Isa sa mga elite bars sa Global City. Pagkadating niya galing Davao kanina ay agad niyang tinawagan ang kanyang mga kaibigan. Kailangan ng alcohol ng dugo niya ngayon.