CHAPTER 7

Tatlong araw na pinaglamayan namin si Andy at ngayon ang araw ng kanyang libing. Hiniling ni Lily na itabi ito sa labi ng mga magulang niya kaya pinaasikaso ko kaagad ito. Gusto kong tuparin ang kahilingan niya dahil gusto ko rin sa pagdalaw namin ay iisang lugar lang ang aming pupuntahan dahil takot ako sa sementeryo.

Ala una nang hapon ang nakatakdang oras ng pagmemesa kaya todo asikaso si Lily sa mga taong maghahatid sa kapatid sa huling hantungan.

Nang dumating kami sa sementeryo ay nanatili ako sa tabi niya dahil hindi man siya umiyak, hindi man tumutulo ang kanyang mga luha alam kong anong sandali lang ay muling bubuhos ang emosyong pinipigilan niyang kumawala. Nanatili akong nakahawak sa kamay niya simula ng magsimula ang mesa hanggang sa matapos ito. Nakayakap naman siya sa litrato ni Andy at taimtim na nakikinig sa pari.

After the mass, binigyan siya ng pagkakataong magkapagsalita sa harapan. Hindi ko sana siya papayagan dahil alam kong hindi niya kakayanin ngunit iyon ang g