KABANATA 59

Naiinis pa si Alaric noong makarating sa mansyon pero mukhang mas maiinis siya sa bungad ng Lolo Frederick niya sa kanya.

"I know where have you been, Alaric. And I am telling you now, stop seeing that woman!" galit na sermon nito sa kanya.

Nasa sala pa sila noon. Napaiwas ng tingin ang Kuya Aldo niya at napasimsim sa hawak na tasa ng kape habang si Apollo naman ay ngingiti-ngiti. Sinamaan niya ng tingin si Apollo dahil pakiramdam niya ay ito ang naglaglag sa kanya sa Lolo nila.

"Who's woman? Wala akong babae, Lo," tanggi niya kahit pa alam naman niyang detalyado ang alam nito.

Mapakla itong tumawa, "Don't make me a fool, Alaric. Hinayaan na kitang mag-enjoy, harapin mo naman ang responsibilidad mo," madiing bigkas nito.

Pumikit siya nang mariin. Saan banda ang sinabi nitong pinabayaan siyang nag-enjoy? Walang tigil nga ito sa pagtawag kaya't napauwi sila ng wala sa oras ni Yvonne.

Nailing siya matapos maalala ang asawa. Kung wala lang talaga ang tatay ni Margarita sa coffee shop nito