KABANATA 92

"Where have you been? I told you not to run after her! Hindi ka talaga marunong makinig!" Galit na sermon kay Alaric ng kanyang Lolo Frederick.

Pinagsalubong niya ang kilay at hindi sumagot. Dumiretso siya sa bar area nila para kumuha ng alak.

Hinabol niya nga kanina si Yvonne pero matapos makitang sumakay ito sa taxi ay hindi na. Malamang na uuwi lang iyon sa condo nito. Tinawagan niya na lang ulit ang ilang investor upang makumbinse ngunit nahirapan siya.

"God, Alaric! Kailan ka ba matututo? Bakit kasi hanggang ngayon hindi mo pa ipasa ang annulment paper ninyo?!" pagpapatuloy ng Lolo niya.

Maling desisyon yatang umuwi siya sandali sa mansyon. Pumikit siya nang mariin. Ayaw niyang masagot ang matanda. Wala siya sa mood at gusto lang uminom ng alak.

"Lo, Kuya is up for revenge. Hayaan mo muna siyang gawin ang gusto niya," si Apollo na inabutan siya ng baso ng brandy.

Sumandal siya sa bar counter at inisang lagok ang binigay ng kapatid. Hindi niya mapigilang ipagtagis ang mga ngipin.