Kabanata 28

Natapos ang ikalawang markahan namin, nakapasa ako sa lahat ng subjects ko ngunit hindi iyon kasing taas sa mga markang nakuha ni Azon. Masaya na akong kahit papaaano ay sinubukan ko sa abot ng aking makakaya, unti-unting binabalik ko ang sarili ko at gagawin ko ito hindi na para sa mga magulang ko kundi para sa babaeng gusto ko dahil gusto ko na may patutunguhan naman ang buhay ko na kaya niyang ipagmalaki.

Buwan ang lumipas na hindi ako tumigil sa panunuyo kay Azon, sapat na ang simpleng effort at pagpapansin ko rito upang iparamdam sa kaniya ang pagmamahal ko, hindi na ako ulit sumubok magtanong pa sa kaniya kung p'wede akong manligaw dahil sapat na iyong tatlong beses na tinanggihan niya ako, hahayaan ko na lang na kusa na rin siyang pumayag kapag napatunayan ko na ang sarili ko sa kaniya at hanggang sa dumating na ang araw na hindi na si kuya ang laman ng puso niya.

Sa buwan na lumipas na iyon ay ilang beses ko na rin na nadalaw si Azon