Kabanata 56

"I'm sorry, do I know you?" Pinipilit lumayo ni Fred sa babae na feeling close at biglang yumakap sa kanya. "I don't mean to be rude, but hindi talaga kita kilala." Hinawakan niya ang balikat nito at tinulak palayo sa kanya.

Hindi ko maawat ang pag-ikot ng mga mata. Kunwari pa kasi pero gusto naman niya ang ginawa ng babae. Napakagat labi pa nga siya nang dumikit ang katawan nito sa katawan niya.

"Fred, 'wag mo naman akong ipahiya sa kasama mo," maarting sabi ng babae. Inipit nito ang ilang hibla ng buhok sa tainga niya, saka malanding lumingkis ang kamay sa braso Fred, may kasabay pang himas at kagat labi.

"Oo nga naman, Sir Fred. 'Wag mo namang e-deny na kilala mo siya—"

Biglang bumaling ang tingin ni Fred sa akin. Nagtangis pa talaga ang bagang.

"Sir Fred?" Nagsalubong ang mga kilay niya, saka ngumisi ng kakaiba. "Tinawag mo akong Sir Fred, asawa ko?" Tumiim na naman ang bagang niya.

Napanganga ako. Anong pumasok sa utak nito. Mas lumakas pa tuloy ang bulungan sa paligid. Animal