Chapter Fifty Seven

HINDI siya mamamatay tao! Iyon ang naisip ni Bianca kaya nagawa niyang tapakan ang preno bago pa man niya nabundol ang anak ng babaeng iyon. Sa isip kasi niya’y nakita rin niya ang nanggagalaiting mukha ni Lance. At iyon ang aya na ayaw niyang mangyari -- ang magalit ang kanyang mahal. 

Kapag nagkatuluyan naman kasi sila ni Lance ay magagawa rin niyang tanggapin ang anak nito. Sabi nga, kung mahal mo ang isang tao ay magagawa mong tanggapin ang lahat sa kanya. 

"Oh, I love you, baby," wala sa sarili niyang bulalas nang makita niyang patawid na ang bata. Napahinga siya nang malalim. Naisip niyang kung talagang nasagasaan niya ito, sigurado niyang makakaramdam din siya ng sundot ng konsensiya. 

Nawala ang atensyon niya sa bata nang may bumusina sa likuran kaya napuwersa na rin siyang umabante. Ngu