KWATRO

Kasalukuyan na silang nasa loob ng kotse ng maramdaman ni Naomi ang kanina pang pasulyap-sulyap na si Franco. Kahit pa nakatingin si Naomi sa bintana.

“Kanina ka pa tingin nang tingin sa’kin, may kailangan ka ba?”

Bakas ang gulat sa mukha ni Franco ng sandaling sabihin 'yon ni Naomi.

“Ako ba or ikaw?” 

“Ano?” naguguluhang tanong ni Naomi kay Franco.

“C’mon, Naomi. Willing naman akong magkwento kahit sobrang haba, yapper kaya ako.” Napangiwi naman si Naomi nang maging ang pagiging madaldal ni Franco ay ipinagyabang pa nito sa kaniya. Ngunit bigla siyang nagkaroon ng ideya.

“Ano bang nangyari kagabi?” panimulang tanong ni Naomi.

“Wala kang maalala?” napailing naman ang dalaga. 

“Masyadong mababa ang alcohol tolerance ko kaya kahit isang shot yan, lasing agad ako,” 

“Halata nga,” tatango-tangong tugon sa kanya ni Franco.

“Nong gabing pauwi na ako, mali bang kotse ang napasukan ko?”

“Nadali mo! Future, Mrs. Sandoval!” pang-aasar pa sa kaniya ni Franco na ikinangiwi niya.

“Ano bang pinagsasabi mo dyan? Magtigil ka nga, nakakadiri ka.” angil ni Naomi dito.

“Wow naman, kung makatanggi, akala mo siya ang number 1 sa most beautiful woman sa buong mundo,”

“Wala kang pakialam! Magkwento ka pa,”

“Oh sige, kwento pala ang gusto ko e. Pagbibigyan kita,”

“Oo na, bilisan mo, sabe," nauubos na ang pasensya, sagot ni Naomi.

“Ayan, sa pagiging demanding mo kaya ka namamali. Grabe, kung tanggihan mo si boss, akala mo talaga ano, pagkatapos mong pasukin ang private car ni boss, mag-gaganyan ka! Alam mo bang sobrang kulit mo?”

“Talaga? Hindi ko alam hehe," 

“Naknam, Naomi. Ang hirap mong pagsabihan, sobrang kulit mo kagabi, grabe! Kilala na kita simula pa noong high school, pero hindi ko inaasahan na may ganong side ka pala kapag lasing ka! Kung makayapos kay boss, akala mo talaga close na close,”

“What? Niyakap ko si Sir? Totoo ba 'yon?” hindi makapaniwala na tanong pa ni Naomi.

“Oo, wala mo ngang pag-aalinlangan na niyakap si boss. Nong una, akala ko naglalasing-lasingan ka lang at gusto mo lang ng atensyon ni boss, pero nong yinakap mo siya, shit, akala ko tyansing rin ang gusto mo, pero mali, halatang wala ka sa sarili kagabi.” napapikit si Naomi dahil sa mga nalaman niya mula kay Franco.

“Ano, gusto mo pa bang ituloy ko? Pulang-pula na yang mukha mo ah, hiyang-hiya ka na ba?” tanong naman ng binata ngunit hindi magawang sumagot ni Naomi.

Natampal pa ni Naomi ang kanyang mukha, hindi alam ang sasabihin, pero gusto niya pa rin na ituloy ang kwento para malaman pa ang mga nangyari.

“Ituloy ko ha, tiyak kasing hindi ka na makaka-harap kay boss pag nalaman mo ang lahat. By the way, alam mo bang wala pang nakakayakap kay boss na kasing kapal ng mukha mo? Baka nga first hug ka ng nyebe nating boss, grabe ang kapal ng pagmumukha talaga nito.” 

“Kainis! Nakakahiya pala ang pinaggagawa ko! Bwesit na alak! Never again!” sigaw ni Naomi sa loob ng kotse at pinaghahampas ang sarili, tawang-tawa naman si Franco dito.

“Teka nga, sino nga pala si Aaron?” muling tanong ni Franco na ikinatigil ni Naomi. Napayuko ito at huminga ng malalim.

“Bakit mo naman na tanong?” tanong nito kay Franco.

“Alam mo kasi, bukod sa pag yakap mo kay boss, ay hinalikan mo rin siya,”

“Ano? Hinalikan? Impossible!” Sigaw ni Naomi na ikinagulat ni Franco, kaya naman bigla itong napa-preno.

“Hoy, relax! Siraulo, gusto mo bang madisgrasya tayo? At gusto mo bang patayin ako ni boss kung may mangyaring masama sa'yo? Anaknam, Naomi naman! Huwag mo akong gugulatin ng ganon, mahal ko pa ang buhay ko,” natawa naman si Naomi.

Hindi niya aakalaing ganon ka-oa si Franco, gayong napakalambing rin ng pakikitungo nito sa kapwa niya empleyado.

“Pasensya kana, nabigla lang talaga ako. Sige na magkwento ka pa,” natatawang ani ni Naomi dito.

“Ewan ko naman sa'yo, nakakainis ka rin, ano? Teka lang ha, hihinga lang ako dahil masyado mo naman akong tinakot!” parang batang ani ni Franco pa dito. 

“Pasensya na talaga, ituloy mo na.”

“Sige na nga. Ayon na nga, you kissed him, pero ang panget lang tignan dahil tinawag mo siyang Aaron habang yakap mo siya. At alam mo bang, hindi lang kiss! Kung hindi hard kiss, kumbaga laplapan ang gusto mong mangyari, kadiri kang babae ka! Walang delikadesa!”

“Hoy, grabe ka sakin! Bakla ka ba? Langyang to, kitang lasing ako! Ano bang malay ko sa mga pinaggagawa ko! At bakit ko nga ba nagawa 'yon? Kainis! Huwag na huwag niyo na akong aayain maglasing sa susunod, napapahamak ako!” 

“HAHAHAH oo nga. Sino nga ba si Aaron? Ex, mo ba? ”

“Secret,” sagot ni Naomi rito.

“Whatever. Alam mo bang gusto pa sana kitang iuwi kagabi sa apartment mo?”

“Oh, bakit hindi mo ginawa? Isa ka rin e, baka gusto mo lang na mapahiya ako!”

“Hindi sa ganon, Naomi. Kaso nga lang, mag-isa ka lang sa apartment mo, right? So, ayon, hindi pumayag si boss, baka daw mapano ka. Since lasing na lasing ka na at nawawala ka sa wisyo, baka nga magpakamatay ka pag mag-isa ka,” 

“Ulol, hindi ako ganon.”

“Sus, so ikaw ba at si boss ay..” muli bumaling sa kanya si Franco at sinipat ang kabuuan niya.

Nais niyang itanggi ang nangyari sa kanila, ngunit naroroon na sa leeg niya ang pruweba kahit anong ointment ang ilagay, bakas na bakas pa rin ang markang iniwan sa kanya ni Lemuel. Kaya naman wala siyang nagawa kundi tumango na lamang.

“Oo, nasa leeg ko naman na ang pruweba, nakikita mo naman na siguro,” mataray na saad ni Naomi at tinuro pa ang kanyang leeg.

“Mukhang ang gentleman ni boss sa kama,”

“Ha? Paano mo naman nasabi, Aber?”

“Kasi hindi niya linagyan ng kiss mark yang buo mong leeg,” matapos sabihin iyon ni Franco ay humagalpak ito ng tawa.

“Siraulo mo, ano?” 

Masamang tingin ang ipinukol ni Naomi kay Franco.

“Gentleman, my ass!” usal niya pa rito.