CHAPTER 31

Minutes before the shootout...

Nagpalinga-linga sa paligid si Michael. Kailangan niyang maging alerto lalo pa at traydor ang kalaban nila. He can’t afford to lose anyone lalo pa at iilan sa kababaryo nila noon ang puwedeng madamay dahil sa kalokohan ng lalaki. Naging malikot ang mga mata niya. Tinitingnan niya ang bawat sulok na puwedeng pagtaguan ni Nathan.

“Ano sa tingin mo?” tanong sa kanya ni Eros. Dahil abala na sa pakikipag-usap ang ama ni Klarisse sa kapitbahay nito ay nagkaroon sila ng pagkakataon ni Eros para mag-usap.

“Narito lang siya sa paligid. Sigurado ako sa bagay na iyan,” sagot niya sa kaibigan. At dahil maingay sa kinaroroonan nila ay naglakad silang dalawa sa gilid ng bahay nila Klarisse kung saan walang tao.

“Sigurado ka ba sa bagay na iyan? Nakabantay na ang mga kasamahan ko sa possible entrance niya. May checkpoint na pinatupad para hindi makapasok ang unidentified vehicle.”

“Iyon ang problema, Pare. Sa kabila ng kagaguhan ni Nathan, alam natin kun