CHAPTER 15

Nasapo ni Klarisse ang ulo niya nang magising siya. Napaingit siya dahil kumikirot iyon. Marahil ay naparami ang nainom niya kagabi kaya tila binabarina ang ulo niya ngayon. Kumilos siya para tumayo. Ngunit ang gagawin niyang pagtayo ay natigil nang may biglang nagsalita sa kaliwang bahagi ng higaan.

“Good morning...” anang baritonong boses na kahit pa yata nakapikit siya ay matutukoy niya kung sino ang nagmamay-ari.

Dahan-dahan siyang lumingon sa pinanggalingan ng boses at nakita niya si Michael na nakaupo habang naka-de-cuatro at may hawak na libro. Nakasuot ang lalaki ng puti at maluwag na long sleeve na gawa sa manipis na tela, ang pants naman nito ay maluwag din, pero kulay itim.

Sa ilang dipa na layo sa pagitan nilang dalawa ay naaamoy niya ang gamit na pabango ng lalaki mula sa kinaroroonan niya.

Kumunot ang noo niya dahil sa pagtataka kung ano ang ginagawa ng lalaking ito sa tinutulugan niya.

“Did you sleep well?” tanong ulit nito habang nakangiti. Itiniklop ni