CHAPTER 50

Ganoon kadali ang buhay.

Ngayon, kasama mo ang taong mahalaga sa iyo; bukas o mamaya ay hindi na. Kung hindi ito aalis, ay mawawala ito nang tuluyan sa iyo.

Katulad na lang kung paano nawala si Klarisse kay Michael.

Ngayon ang araw ng libing ni Klarisse. Maulan nang mga oras na iyon at may kasama pang kulog at kidlat na para bang kahit ang langit ay nakikidalamhati sa nararamdaman niya.

Narito siya sa lilim ng isang puno. Hindi siya makalapit para ihatid si Klarisse sa huling hantungan nito.

Hindi niya alam kung ano ang nangyari. Galit sa kaniya ang mga magulang ni Klarisse.

Hindi siya ng mga ito kinakausap, kaya hindi niya nakita si Klarisse sa huling mga araw na ito.

Nang gabing dumating sila sa hospital ay hindi siya nagkaroon ng pagkakataon na makita si Klarisse. The staff didn't allow him to go through where Klarisse was.

Kahit si Audrey ay walang nagawa para lang magkaroon siya ng pagkakataon na makita si Klarisse. Iyon daw ang rule ng hospital. Kapag ang pamilya ng namatayan ay