KABANATA 9

Napapangisi ako matapos maalala ang nangyari kahapon. Idagdag pa ang pawis na pawis na istura ni Aldo nang iabot niya ang pritong lumpiang toge.

Ni hindi man nga lang ako napatalon sa nakamamatay niyang tingin. Gustong-gusto ko pa ngang pagmasdan ang galit sa magkaiba niyang mga mata.

Paulit-ulit sa isipan ko ang reaksyon niyang galit at nakasimangot na siyang kinatutuwa ko. Hindi ko rin alam sa sarili ko kung bakit na-a-addict ako ngayon sa ganoon niyang reaksyon kumpara dati na halos ikalabas iyon ng puso ko sa takot.

Nakagat ko ang labi matapos lumitaw sa isipan ko ang pawis at hubad na katawan ni Aldo habang siya ay galit na galit.

Napanguso ako sa kiliting naramdaman sa tiyan. Huminga nang malalim bago mabilis na hinablot ang shoulder bag at nagmadaling lumabas. Agad ko ring pinara ang taxing paparating at agad na sumakay.

"Mayu! Sabay ako!" si Alice na tumatakbo palapit kaya't pinigilan ko ang driver sa akmang pagmamaneho.

"Bilisan mo,