CHAPTER 85—Hi, Palawan

FAYE

“Ano?! Umalis na si Rome?” Napatayo ako sa nabalitaan ko galing kay Xino.

“Hoy! ‘Wag ka ngang OA diyan. Nauna na sila kasi nakaprivate plane sila, hindi tulad sa amin na sasakay sa airport. Hindi pa kasi magaling si Rome masyado kaya alam mo naman, maingat sila sa one and only baby boy nila.”

“Ilang araw kayo roon?” Kagat na labing tanong ko.

“Isang linggo. Nga pala, gusto mo bang sumama?”

“Huh? Paano naman ako makakasama?”

“May sobra kaming ticket para sa ‘yo.”

“Wala akong passport!”

“Shunga. Basta may valid ID ka kahit wala kang passport, pwede naman. Nasa loob ka lang ng Pilipinas e.”

“Paano naman kung nandoon mommy niya?Okay lang siguro na huwag na akong isama, Xino. Bantayan mo na lang si Rome para sa akin at h’wag mong hayaang dikitan siya ng mga babae roon. Marami pa namang mga sexy doon,” ngusong sabi ko.

“Sus! Mas maraming hot sa bar pero walang pinapatulan ‘yang si Rome magmula n’ong dumating ka. Siya mismo umatras na sa pagiging fvckboy. Don’t worry, I’ll try to find