Chapter 16

Dos:

NGITING TAGUMPAY AKONG napatitig kay Rose na pulang-pula sa wala sa oras niyang pag-amin na umani ng hiyawan at tilian sa amin ng buong nayon.

Panay pa ang kurot nitong gigil na gigil sa akin at 'di makatingin sa mga mata kong nanunudyo sa kanya. Parang nawala ang kalasingan ko na napasagot ito at sa harap pa ng lahat!

"Sweetheart" malambing tawag ko ng napakatahimik na nito habang nandidito na kami sa bahay. Natahimik na rin ang paligid mula sa kasiyahang naganap kanina at mukhang tulog na ang mga tao.

Napahalukipkip itong napatingala sa bilog na buwan na napapanguso.

"Dos" saway nito sa pagyakap ko mula sa likuran at nakidungaw na rin dito sa bintana na pinagmasdan ang may kabilugang buwan.

"Saan mo gustong magpakasal tayo sweetheart? Dito o sa syudad? P'wede ring beach wedding o kaya abroad" napailing itong binaklas ang mga braso kong nakayapos sa baywang nito at pumihit paharap.

"Ang bilis mo talaga, kasasagot ko pa nga lang sayo eh. Kasal agad?" napabungisngis akong sumubsob