Chapter 7

Hindi naman nakaimik si Stanley lalo na ng makita niyang umiiyak na si Serenity. Agad niyang dinukot ang panyo sa kanyang bulsa at nilapitan ito pinahiran niya ang luha nito. "Sorry, nabigla lang ako. Ikaw naman kasi kanina pa ako nag aantay duon para ibigay ang regalo sayo ni papa tapos yun pa ang makikita ko." paliwanag niya rito.

"Ewan ko sayo Enemy, nakakasama ka ng loob. Alam ko na ngayon na wala kang tiwala sa akin." at lumakad na siya papalayo.

Agad naman sumunod si Stanley at hinila siya muli sa kamay para hindi na siya makalayo. "Sasakay na tayo, huwag ka ng magalit sorry na hindi na yun mauulit promise." malungkot na sabi niya. Hindi naman umimik ang dalagita pero hindi narin siya nanguna sa paglakad sabay na nilang tinahak ang sakayan ng tricycle sa kanto. Ngunit bago pa makalayo ay may tumawag sa pangalan ni Stanley.

"Stanley!" sigaw ng babae at agad lumapit at nagunyapit sa braso ni Stanley. "Saan ka galing? at sino yan baby sister mo?" nakangiting tanong nito.

"Hindi ko kapatid yan tingnan mo naman ang gandang bata naman niya para maging kadugo ko." sagot nito na nabitawan ang kamay ni Serenity.

"O eh sino nga yan?"

"Palaki ko hahaha."tumatawang sagot nito at nakitawa naman yung babae.

"Loko ka talaga, infairness naman saiyo ang ganda ng palaki mo hahaha. So sinundo siya sa school?" 

"Oo mahirap na baka maunahan ng iba maigi ng masmaagang mag bantay." tumatawang sabi pa nito habang nanatiling nakikinig sa usapan ng dalawa si Serenity na hindi maka relate sa biruan nila.

"Paano sama ka sa amin mamaya may gimik kami mga 7:00pm ang punta namin sa RestoBar."

"Sige magpapaalam lamang ako kay mama at susunod nalang ako sa inyo duon. Sige na mauuna na kami at mag aaral pa itong palaki ko para sa future namin hahaha." at lalong natawa ang babaeng kaharap nito.

Agad pumara ng tricycle si Stanley at pinaunang sumakay ang dalagitang walang imik bago siya tumabi dito at sinabi sa driver kung saan sila ihahatid. 

Nilingon ni Serenity ang binata, "Sino yun girlfriend mo?" tanong niya rito.

"Hah! si Pia girlfriend ko? no way ang arte arte nuon eh." animoy nandidiri pang sabi nito, "Kaklase ko lang yun bakit selos ka?" at nagulat naman si Serenity sa tanong nito.

"Nyak hindi no pakialam ko naman sa inyo. Kung si Simon kapa baka mag selos ako at sabunutan ko yung babae na yun.' nakangusong sagot nito.

Umarte naman si Stanley na parang nasasaktan at nakahawak sa tapat ng dibdib. "OUCH! grabe ka naman mapanakit ka na agad eh kabata mo ba ano pa pag nag dalaga ka, baka bastiden mo na agad ako hindi pa man ako nag uumpisa manligaw sayo."

"Sadya!" bulyaw ni Serenity sa mukha niya at napatawa nalamang siya sa inasal nito.

"Sige pagbibigyan kitang magka crush sa iba dahil bata ka pa, pero pag pwede ka ng ligawan ako lamang ang pwedeng manligaw sayo hindi ka pwedeng lapitan ng kahit na sinong lalaki kahit kapatid ko pa yan." babala niya rito ngunit naka ngiti.

"Ewan ko sayo baliw ka, manahimik ka nalamang masyado kang maingay." saway ni Serenity dito. Nakarating sila ng bahay nila ng wala ng imikan at inihatid pa siya ni Stanley sa loob ng bahay nila.

"Tita Reny!" sigaw ni Stanley na nguna pa sa pagpasok sa bahay nina Serenity. "Narito na po ang maganda pero mataray mong anak at inaaway nanaman po ako." tila batang sumbong nito sa mama ni Serenity.

"Hay.. naku! kayo talagang dalawa kala mo eh aso at pusa lagi. Sinundo mo pala si Seren sa school naabala ka nanaman."

"Hindi naman po, nataon lamang na bumili si papa ng thank you gift para kay Enemy, eh malapit sa school niya kaya dinaanan ko na po siya." paliwanag nito habang ibinababa sa upuan ang mga gamit ni Serenity. At saka niya iniabot ang paper bag na kanina pa niyang bitbit. "Enemy ito yung gift ni papa, sana magustuhan mo ako nag suggest na yan ang ibigay saiyo. Pagbutihin mo daw ang pag aaral mo at bawal ka daw magpaligaw dahil mamanugangin ka daw niya hahaha." pang aasar niya rito.

"Mama patingnan mo nga po yan si Enemy sa mental, kasi kanina pa yan nasisiraan ng ulo kung ano anong sinasabi tapos yung mga kaklase ko pinagalitan pa niyan." sumbong niya sa ina habang binubuksan ang regalo.

"Tita, nahuli ko yan sa labas ng gate, binibigyan ng bulaklak at chocolate nung kaklase niya may crush sa kanya tapos ng sinabihan ko sa akin pa nagalit." ganting sumbong naman ni Stanley na kunwaring sinamaan pa ng tingin si Serenity kaya naman lalo ng nainis ang dalagita sa inasal niya.

"Aba Seren, bata ka pa ha hindi pa pwedeng magpaligaw." baling naman ng kanyang ina sa kanya kaya lao siyang nainis.

"Huwag po kayong maniwala sira na ulo niyang lalaking yan dapat diyan dinadala sa mental."  sagot niya sa ina saka binato ng pinagbalutan ng regalo si Stanley. "Hoi! umuwi ka na sa inyo at nakakainis ka." baling niya rito kaya naman lalong natawa ito at ng tangkang lalapitan niya para batukan ay patakbo itong lumabas ng bahay nila at umuwi sa kabilang apartment.

"Seren, baka nagpapaligaw ka na nga ha. Aba eh dose anyos ka palamang." sita nito sa anak.

"Mama naman maganda ang anak mo hindi ko kasalanan na may nag kaka crush sa akin, okay lang po yun ang mahala naman ay hindi ko sila crush diba. At mama kilala mo po ang crush ko kaya kahit isang dosenang bulaklak at malalaking chocolates ang ibigay ni Aldrin hindi ko iyon magugustuhan. Tinanggap kom lang po kasi sayang pasalubong kompo sana kina Renely, at Samantha." 

"Mabuti na ang nagkakalinawan tayo aba eh iyong anak ni Josefa trese anyos palang ay may nobyo na at yung si Analiza naman katorse anyos nalamang buntis ng nmga magulang at tinakbuhan ng nobyo ayaw ko lamang mangyari sa iyo ang ganuon. Kita mo naman ang hirap na pinag dadaanan natin hindi ba."

"Oo naman po mama, huwag ka pong mag alala dahil alam ko pong lahat iyan at hindi mangyayari ang ikinatatakot mo sa akin. Nasaan na po ang mga kapatid ko ibibigay ko itong tsokolate sa kanila." 

"Nasa labahan at naglalaron duon puntahan mo nga at baka kung ano nang nilikot ng mga iyon."

"Sige po mama."

Alas nuebe na ng gabi at alam ni Serenity na wala pa si Stanley dahil nasa restobar ito kasama ng mga kaibigan nito. Kaya naman muli siyang lumabas sa terrace at tumingala sa mga bituin, "Kumusta na kayo mga kaibigan pasensya na kayo ha kasi madalang ko na kayong labasin baka kasi may makarinig nanaman saakin nakakahiya hehehe." at tila tuwang tuwa itong nakatingin sa kumikinang na kalangitan.