Chapter 1

"Aray! Ano ba bulag ka ba?" sigaw ni Stanley matapos siyang mabunggo ng isang dalagita. Napakarami nitong buhat at sa tingin niya ay masmabigat pa sa sariling timbang nito ang mga daladalahan nito.

"Sorry na hindi ko kasi kita ang daan, hindi mo ba nakikita na ang dami kong dala tapos sa daan kapa na ka harang." sagot naman ni Serenity na bakas sa mukha ng inis at pagod.

"Sa liit mo naman kasing iyan hindi ka dapat nagbubuhat ng masmabigat pa saiyo. Akin na nga ang iba at tutulungan na kita." inagaw ni Stanley ang ibang daladala ng dalagita wala naman itong angal ng kinuha niya iyon dahil narin siguro sa nabibigatan na nga ito.

"Tutulong nalang dami pang sermon." bulong pa nito habang iniaabot ang ibang kahon kay Stanley.

"Saan ba ang dala ng mga ito?" tanong nito na kunot ang noo.

"Diyan lang sa apartment ni Tita Gina, duon sa padalwa sa harap." sagot ni Serenity at nanguna na sa paglalakad. 

Malapit lamang ang apartment kaya naman saglit lamang silang naglakad. Agad na ibinaba ni Stanley ang mga kahon sa terrace at nagpagpag ng kamay. "Grabe namang alikabok ng mga yan." pabulong na angal niya. 

Inirapan naman ni Serenity ang lalaki, "Hoy hindi naman ako humingi ng tulong saiyo pero kung makapagreklamo ka inam, sige na salamat sa pagbuhat umuwi kana at baka maabutan ka pa ng tiyuhin ko eh mamura ka pa may topak pa naman yun ngayon." taboy niya rito habang inaayos na ang ibang gamit.

"Sige aling maligalig salamat ha sa katarayan mo, tinulungan mo na pinalayas kapa." at nagpunta na siya sa unahang apartment.

Oo magkatabi lamang ang apartment nila tatlong helera sa harap at tatlo rin sa likuran. Kararating lamang ni Stanley galing Maynila doon siya nag aaral first year college siya at ayaw na niyang ituloy ang pag aaral kaya siya umuwi ng Quezon. Nag away sila ng girlfriend niya at nauwi sa hiwalayan kaya naman alsa balutan ang peg ng lolo nyo. Seventeen years old na siya at panganay sa tatlong magkakapatid. 

Si Serenity naman ay maglalabindalawang taong gulang sa susunod na buwan at panganay rin sa tatlong magkakapatid lahat sila ay babae at buntis pa ang kanyang ina sa paapat na kapatid nila. Hiwalay ang tunay na ama niya at ang kanyang ina simula pa ng pitong taong gulang siya at mula noon ay puro hirap na ang naranasan nila. Kasalukuyan siyang nasa ika anim na baitang sa ngayon at siyempre masmarami ang absent niya kesa sa ipinasok. Madalang magkaroon ng hanapbuhay ang inaama niya ang kanyang ina naman ay nagluluto lamang ng mga meryendahin at inilalako nito. Madalas rin silang walang makain kaya naman ang katawan nilang magkakapatid ay payat. Pinalayas sila sa inuupahan nilang bahay nsa kabilang subdibisyon kaya ng makadelehensiya ang inaama niya ay agad silang nakahanap ng apartment na matitirahan.  

"Mama! narito na po ang pinaka gwapo mong anak!" sigaw ni Stanley habang nagtatanggal ng sapatos. Agad namang lumabas si aling Gina ng marinig ang boses ng sumisigaw na anak. Maydala siyang tambo at hinabol agad ng hampas ang anak na bagong dating.

"Ikaw na bata ka! napaka tigas ng ulo mo, dahil lamang sa babae eh tumigil ka sa pag aaaral mo akala mo eh kadaling humanap ng pera para lamang mapag aral kayo sa magandang eskwelahan." sigaw ni aling Gina habang panay ang hampas sa binti at puwitan ng anak.

Narinig naman ni Serenity ang sigawan sa kabilang bahay kaya naman agad itong dumungaw sa terrace ng mga ito. At laking gulat niya ng makitang pinagpapalo ni aling Gina ang binatang tumulong sa kanyang magdala ng naglalakihang kahon ng gamit nila kanina.

"Hoi! Serenity baka gusto mong magmadali sa pagliligpit ano pa bang itinatanga tanga mo riyan sa kabilang bahay ha?" sigaw naman ng step father niya.

"Wala po Tito, hihiram sana ako ng walis tambo kay Tita Gina kaso ginagamit niyang pambugbog kaya mamaya nalang po ako manghihiram." pagdadahilan niya.

Mabilis namang natapos ni Serenity ang gawain, maghapon ay siya lamang ang nag ayos ng bahay na nilipatan nila. Ang tiyuhin naman niya ay agad ring umalis upang mag maneho ng jeep at naka hanap ito ng sideline sa loob ng limang araw ay pinayagan itong ilabas ang jeep ni mang Pido dahil may sakit diumano ang tunay na driver noon. Isinara niya ang pinto aalis siya upang sunduin ang kanyang mama at dalawang kapatid.  Nasa gate na siya ng mapansin niya ang isang binatilyong nakaupo sa may gate at nagpapatalbog ng bola. 

"Pwede bang makiraan?" tawag pansin niya rito at agad naman itong tumayo.

Tinitigan siya nito sa mga mata bago nagmamadaling tumayo at pinagpag ang likuran ng shorts. "Pasensya ka na nakaharang pala ako sa daan." sagot naman nito na ngumiti pa.

Nginitian rin naman ni Serenity ang binatilyong iyon at agad niyang inilahad ang palad rito upang makipag kilala. "Ako nga pala si Serenity, dito kami nakatira sa gitnang apartment bagong lipat lamang kami ngayon."

Tinanggap naman agad ng binatilyo ang palad niya at saka muling ngumiti. "Ako naman si Simon, actually kami ang may ari ng apartment na ito." wika nito.

"AHH... anak ka ni tita Gina?" tanong ni Serenity.

"Oo actually ako ang bunso. Bale tatlo kami yung kuya ko bagong dating lang from Manila duon kasi siya pumapasok then my ate rin ako na diyan pumapasok sa Envelinda University. Kayo siguro yung bagong lipat diyan sa gitna namin ano?" 

"Oo kami nga, susunduin ko muna sina mama sa dati naming tinirhan kasi natapos ko na yung mga gawain para makapag pahinga na rin sila." naka ngiting sagot ni Serenity.

"Okay sige ingat, see you around may laro pa kami eh." at kumaway pa si Simon habang papalayo.

Tila naman kinikiliti ang murang puso ng dalagita at napapangiti pa ito habang tinatanaw ang papalayong binatilyo.

"Oh... My... God... I LOVE YOU na po talaga. Ang gwapo na ang bait pa goshhhhhh! Crush na kita...!" tili ng kanyang isipan. At nagpatuloy na nga siya sa pagpunta sa dati nilang tinirhan upang sunduin ang ina at ang dalawang nakababatang kapatid.