Chapter 26 - Ang Pagbabanta

Rhian's Point of View

Pinagmasdan kong mabuti ang ticket na ibinigay ni Blake. Marahil ay umaasa siya na maisasama niya ako pabalik ng Spain. May pait sa ngiting sumilay sa aking mga labi.

Nararamdaman ko sa kanya ang pagsisisi at kagustuhan na maayos muli ang aming relasyon. Pero ayaw kong bigyan pa ito ng rason para umasa.

"Huwag mo na akong hintayin, Blake. Hindi na ako maaring sumama sa 'yo pabalik ng Spain." Ibinalik ko dito ang ticket na ibinigay niya sa akin. "Darating din 'yong araw na may makikilala kang babae na mas mamahalin ka higit pa sa pagmamahal na binigay ko sayo"

Laylay ang balikat ni Blake sa mga sinabi ng dalaga. Handa naman siyang maging ama ng batang dinadala nito kahit hindi siya ang tunay na ama. Ngunit alam niyang hindi na niya mababago pa ang isip nito.

Nanghihinayang na tumingin sa akin si Blake. "Kung sakaling kakailangan mo ako, hihintayin kita sa Spain. Alam mo naman kung saan mo ako matatagpuan." Malungkot na ngumiti ito. "Ahmm.. Can I hug you one last