Chapter 47 - Anong ginagawa niya dito?

Rhian's Point of View

Narito ako ngayon sa harapan ng resthouse ni Logan kung saan niya ako dinala noon.

Hindi ko alam kung bakit dito ako dinala ng aking mga paa. Umaasa akong naririto ang lalaki. Malaki ang hinala kong tinatago lamang siya ng kanyang mga pinsan.

Nilibot ko ang aking paningin sa paligid, napansin kong maraming mga taong nakabantay doon. Mas lalo akong nagduda na naririto lamang ang lalaki.

Maya-maya pa'y lumapit na sa akin ang guard. Marahil ay nagtataka ito kung bakit ako naroroon.

Isang malalim na buntong hininga ang aking pinakawalan bago ako tuluyang bumaba ng aking sasakyan.

"Miss, anong ginagawa mo rito? Bawal hong tumambay diyan."

"Hindi ho ako magtatagal, manong. Nagpunta ho lamang ako dito dahil gusto ko sanang malaman kung nandiyan si.. L-Logan Montereal."

Sinuri naman akong mabuti ng guwardiya pagkatapos ay umiling-iling ito sa akin.

"Pasensiya na ho, wala dito ang hinahanap mo. Makakaalis ka na, miss."

"Si manang Dulce na lamang ho, manong. Pakisabi gusto