Chapter 28.2

"Ma! Wala namang gano'n eh!" Pahabol na sigaw ni Amber. Pulang-pulang ang pisngi nito dahilan upang matawa ng mahina si Ashton Blumentrint.

"Walang nakakatawa!" Gigil niyang tinampal sa braso ang lalaki. 

Nagpigil naman ng tawa si Ashton at baka mapikon ang kanyang misis.

"We need to go outside now, the kids are already there." 

"Kahit 'di mo sabihin lalabas na talaga ako."  Lukot ang mukha nitong bumangon at nagpatiuna patungo sa pinto. Hindi naman nawala ang ngiti ni Ashton dahil sa misis niyang pikunin.

Kalalabas pa lamang nila nang silid ay nabungaran na niya agad ang kambal na nasa sala. Nang bumaling ang tingin ng dalawa sa kanya ay kitang-kita niya ang ningning sa kanilang mga mata.

"Mommy!"

"Mama!"

Sabay na nanakbo ang dalawa patungo sa kanya niyakap ang kanyang tuhod. 

"We miss you so much, mommy."

Kaagad naman siyang naupo upang pantayan ang dalawa.

"Nakilala niyo na