Chapter 29.2

Nagising si Amber na wala na si Ashton Blumentrint sa kanyang tabi. Nang sipatin niya ang oras sa digital clock na nasa bedside table ay pasado alas syete na ng umaga. Duda niya ay pumunta na sa trabaho ang kanyang mister kaya naman hindi na siya nag-abalang hanapin pa ito. Naramdaman niya ang panlalagkit kaya naman dumeretso na siya sa banyo upang maglinis ng katawan. Matapos siyang maligo ay napili  niyang isuot ang isang kulay mocha na bestida. 

"Amber?" 

Natigilan siya sa pagsuklay ng buhok nang marinig niya ang pagtawag ng kanyang mister mula sa silid.

"Nandito ako, tanders." Malakas na saad niya. Maya-maya lamang ay nabungaran na niya ang pagpasok ni Ashton Blumentrint sa loob ng walk in closet.

Sumilay ang ngiti ng lalaki nang humakbang ito palapit sa kanya.

"Let me do that." Kinuha nito ang suklay na hawak niya na hinayaan lang naman niya.  Nang tumalikod siya at humarap sa salamin ay marahang sinuklay ni Ashton ang