Sunod na pumasok ang higit sa benteng kalalakihan. Dumeretso silang pumalibot sa mga guest. Lahat sila ay may mga tangan na de kalibreng mga baril at kaagad na itinutok iyon sa mga tao.
"Uncle? What's the meaning of this?" Napanatili naman ni Dark Indigo ang pagiging kalmante.
Humakbang palapit ang ginoo. Nag-iigting ang panga nito. At kulang na lang ay umusok ang ilong nito sa galit.
"You can't marry her, Indigo!" Mariin nitong turan habang nakatuon sa kanya ang kulay kayumangging mga mata nito.
Bago ba makapagsalita si Dark Indigo ay muli itong nagsalita.
"You can't marry the mother of my son!" Kitang-kita ang paglabas ng litid nito sa leeg.
Napanganga naman si Amber sa narinig mula sa lalaki.
Nagsimula na ring umugong ang bulungan sa mga guest. Mabilis na itinaas ni Amber ang kanyang belo upang mas malinaw niyang makita ang lalaki. At para na rin makita siya nito. Aniya sa isip, baka kasi tatanga-tanga lang ito at namali ng pinasukan.
Nagtama ang tingin nila ng lalaki. Ilang sandali siya nitong tinitigan ngunit hindi naman nagbago ang ekspresiyon nito.
"Sino ba 'to?" Kunot-noong tanong niya kay Indigo. Kanina pa siya clueless sa nangyayari. Pamilyar sa kanya ang lalaki ngunit hindi niya maalala kung saan niya ito nakita.
Bumaling sa kanya si Indigo. Masuyo siya nitong tinitigan. Ginagap rin nito ang kanyang kamay.
"Let me handle this. Huwag mo siyang intindihin."
Matapos niyang sabihin iyon ay kaagad din niyang nilingon si Ashton.
"Uncle, please, ano ba 'to?" Kalmante pa rin ang tinig nito ngunit hindi na niya napigilan ang pagguhit ng gitla sa kanyang noo.
"Ashton! Ano bang kalokohan 'to, hah?" Sa unang pagkakataon ay nakita ni Amber ang galit sa mukha at tinig ni Gabriel Villacorda.
Binalingan naman siya ng tingin ni Ashton, binigyan niya ito ng matalim na tingin.
"I am just claiming what's mine!"
Sinubukang humakbang palapit ni Gabriel Villacorda ngunit hinarangan siya ng tauhan ni Ashton Blumentrint at tinutukan ng baril.
Muli ring tumingin si Ashton kay Dark Indigo.
"I am Hyde's real father."
Napahilot naman ng sentido si Dark Indigo.
"That's imposible, uncle. Anak ko si Hyde."
Bumaling ng tingin si Ashton sa isa niyang tauhan. Maya-maya lang ay lumapit ito at iniabot ang isang folder.
Nang makuha iyon ng lalaki ay kaagad nitong tinawid ang natitirang distansya nila ng kanyang pamangkin.
"Here is the DNA test result." Pabalya niya itong ibinato sa dibdib nito.
Nasalo naman iyon ni Indigo. Binuksan niya ang folder at pinasadahan ng tingin ang laman nito.
Makalipas ang ilang sandali ay muli itong nag-angat ng tingin.
"This is fake! Anak ko si Hyde. Sigurado akong akin siya." Tila nawala na ang pagtitimpi ni Indigo. Kitang-kita ang pag-igting ng panga nito.
"Believe what you want to believe but this is the truth . I have an evidence, Hyde is my son!" Hindi rin ito nagpatalo. Nakipagsukatan siya ng matalim na titig sa kanyang pamangkin.
"Ano ba? Naloloka na ako sa inyo, hah! Ano bang trip niyo, hah?" Hindi na rin nakatimpi si Amber. Kanina pa siya nawiwindang sa rebelasyon ng bagong sulpot na lalaking makisig.
Bumaling naman sa kanya ang lalaki at pinukol siya nito ng malamig na tingin.
"You can prove to Indigo that I am stating the truth."
Tila naman lalong naputol ang pisi ng pagtitimpi ni Amber sa tinuran nito.
"Sira ka ba? So ano? Magic? Naligaw ang sperm mo sa matris ko?" Puno ng sarkasmo ang tinig nito. Hindi niya rin kasi lubos maisip kung saan nakuha ng lalaki ang pinagsasabi nito.
"Let's talk about it privately. It looks you forgot our night together."
"Buang ka ba? Kailan kita nakasama? Nabuo si Hyde kahit ni minsan hindi tayo nag-bonding? Ano ka, may superpower? Ano? Invisible lang ang peg? Nagmukbangan tayo na hindi kita nakikita? “
Mabilis nitong hinawakan ang braso ng dalaga.
"Let's get out of here. We'll talk about it."
Bago pa siya mahila ni Ashton Blumentrint ay hinila naman siya ni Dark sa kabila niyang braso.
"Hindi ako papayag na kunin mo siya, Uncle!"
Muli silang nagsukatan ng matalim na titig. Marahas na hinila ni Ashton si Amber, hindi naman nagpatinag si Indigo. Mahigpit niyang hinawakan sa braso ang dalaga.
"Ano ba! Nasasaktan na ako sa inyo!“
"Let her go, Indigo!" Mariing turan nito.
"No, Uncle! Let her go!"
"Taenang life naman 'to! Ang haba ng hair ko sa lagay na 'to." Pinilit niyang kumawala sa pagkakahawak ng dalawa. "Bitiwan niyo nga ako! Kapag ako naasar, who you kayong dalawa sa'kin."
Pareho namang lumuwag ang pagkakahawak ng dalawa sa kanya. Sinamantala niya iyon upang tuluyang makakawala.
"Nakakaloka na talaga ito!" Palatak niya at pagkatapos ay saka siya bumaling kay Indigo. "Sampalin mo nga ako at baka nananaginip ako."
"It's not a dream. It's all real." Sabat ni Ashton Villacorda. Nawala na ang galit sa mukha nito. Wala nang kahit anong mabasang emosyon sa mga mata nito.
"Let's talk. We have talk about our son." Mabilis nitong hinila ang katawan ng babae. Sinubukan siyang agawin ni Indigo ngunit mabilis pa sa kidlat na lumapit ang tauhan ni Ashton at tinutukan siya ng baril sa ulo.
Napalunok naman si Amber sa nakita.
"Indigo." Tila kusang lumabas iyon sa kanyang labi. Gumuhit din ang pag-aalala sa mga mata ng babae.
"You know me very well, Indigo. Ang akin ay akin. At hindi ako magdadalawang-isip na ipapatay ka kapag umalma ka pa."
Kitang-kita ni Amber ang pagkuyom ng palad ni Indigo. Tumalim rin ang titig nito kay Ashton Villacorda. Mariin ring nagdikit ang mamula-mula nitong labi na para bang nagtitimpi.
"Let's go!"
Bago pa siya makaalma ay binuhat na siya ni Ashton at walang kahirap-hirap na isinampay niya ito sa balikat niya.
"Ano ba! Ibaba mo ako!" Pinaghahampas niya ang likod ng lalaki ngunit tila naman hindi niya iyon ininda.
"Besm!" Narinig pa niya ang pagtawag ng bestfriend niyang si Missy na siyang bride's maid.
"Amber anak!" Narinig din niya nag-aalalang boses ni Amaya Velez. " Ano ba? Hahayaan niyo bang tangayin niya ang anak ko!"
Sinubukan ni Amber na tumingin sa kanyang ina ngunit bago pa niya maiangat ang kanyang ulo ay nakalabas na sila ng function room.
"Ibaba mo ako!" Nagpumiglas siya ngunit sadyang malakas at mahigpit ang hawak sa kanya ng lalaki.
Nang makalabas sila sa hotel saka lamang siya ibinaba ni Ashton Villacorda.
"Ano bang---" Natigil siya sa sasabihin nang tutukan siya nito ng baril.
"Pasok." Mariing utos nito kasabay ng pagturo sa bandang likuran niya gamit ang baril.
Nang lingunin iyon ni Amber ay noon lang niya napansin ang isang itim na Bugatti na naroon.
Wala na tuloy siyang nagawa kundi pumasok na lamang sa loob ng sasakyan.
Sumunod ding pumasok sa loob ang lalaki. Nang umusad ang sasakyan ay hindi na sila nag-imikan pa. Tila ba sa isang iglap at pinutol na ng labis na kaba ang kanyang dila.
Makalipas lamang ang ilang minuto ay huminto ang sasakyan. Laking pagtataka naman ni Amber nang mapansin niyang nasa mansiyon na sila ng mga Villacorda.
"Sino ka ba talaga?"
Umarko ang gilid ng labi ng lalaki.
"Seems like you forgotten it." Mariin itong tumitig sa mga mata niya dahilan para mapalunok si Amber.
"Brace yourself, I'll make you remember it."
Dumagundong ang dibdib ni Amber nang magsimula siyang humakbang sa pintuan . Iba iyon sa pintuang nakasanayan niyang pasukin noon. Pagpasok nila sa loob ay sinalubong sila ng isang katulong na nakasuot ng kulay dark blue na unipormeng pangkatulong "Welcome home, Master." Magalang itong yumukod ngunit ni hindi man lang siya tinapunan ng tingin ni Ashton Blumentrint. Nang dumaan sa harap niya si Amber ay ginawaran siya nito ng matamis na ngiti. "Welcome to the house of Blumentrint, ma'am." Yumukod din ito sa kanya. Sandali namang huminto si Ashton at kunot-noong hinarap ang katulong. "She is Amber, the Lady of this house." Agad namang nabura ang ngiti ng katulong. "Pasensya na po, Master. Hindi ko po alam." Taranta itong yumukod na parang nakagawa ng malaking kasalanan. Puno naman ng pagtataka ang mukha ni Amber na pinaglipat-lipat ang tingin sa dalawa. Maya-maya lang ay bumaling sa kanya si Ashton Blumentrint. Walang kaemo-emosyon ang mukha nito. "She is Aya." "Hi Aya
"Tell me, anong ginawa sa'yo ni Uncle?" Hindi naitago ni Indigo ang kanyang labis na pag-aalala para sa dalaga. Umiling naman si Amber ngunit patuloy pa rin ito sa pag-iyak Lalo tuloy nakaramdam ng pag-aalala si Indigo. Kanina pa sila nakaalis sa bahay ng kanyang tiyuhin. Labing-limang minuto na silang nakaupo sa pool area pero tila hindi nauubusan ng luha ang dalaga. "Sinaktan ka ba niya?" "Hindi." Umiling pa itong muli. Hindi pa rin maampat ang kanyang luha. Ginagap nito ang kamay ng babae at masuyo niya itong tinitigan. "Kung may ginawa siya, don't be afraid to confess it to me. Kakampi mo ako, Amber." "Wala ito." Umiling-iling siya kasabay ng pagbawi ng kanyang kamay. Napabuntong-hininga na lamang si Indigo kasabay ng pag-abot niya sa kanyang panyo sa dalaga. Alam niyang hindi totoong wala lang iyon. Hindi lang niya maintindihan kung bakit ayaw sabihin sa kanya ni Amber ang totoo. Tinanggap naman iyon ng dalaga. "Salamat." Ginamit nitong pamunas ang panyo. "Pasensy
"Anong ginagawa mo rito?" Tila sa isang iglap ay nawala ang matinding pananakit ng ulo ni Amber. Nakaramdam siya ng pagkaalarma. Awtomatiko niyang iginala ang paningin kung saan siya maaaring lumabas maliban sa kinaroroonan ng lalaki. "Am I not allowed in our room?" "Our ka diyan! Ang sa'yo, sa'yo lang. Huwag kang pauso diyan. Maka-our ka naman diyan parang legal tayo." "Then let's make us legal." "Asa ka! Aalis na ako." Mabilis siyang tumayo sa kama. Nakakailang hakbang pa lamang siya nang maagaw ng pansin niya ang pagtawag. "Mama!" Napatingin siya sa pinagmulan ng tinig. Nanlaki ang kanyang mga mata nang makita ang pagpasok ng bata sa pinto. "Hyde, anak." Mabilis namang lumapit ang bata sa kanya at niyakap siya ng mahigpit. "Anong ginagawa mo dito, anak?" Umupo siya upang pantayan ang bata. Sinipat rin niya ang kabuan nito. Mukhang namang walang masamang nangyari rito, masigla ito at may munting ngiti sa labi. "Mama, nalilito na ako." Nakanguso niyong turan at saka n
Buntong-hininga na lamang na tumalikod si Dark Indigo. Para siyang sinampal sa kanyang nasaksihan. Nagsimula na rin siyang matakot na baka mauwi sa wala ang lahat ng kanyang pagod upang mapasakanya lamang ang babae. "Hoy! Indigo!" Awtomatiko siyang napatigil sa paghakbang dahil sa pagtawag. Kaagad rin siyang napalingon dahil doon. "Halika rito, dali!" Kumaway pa sa kanya ang babae. Mayroon itong ngiti sa labi. Puno man ng pag-aalangan ay tinawid pa rin niya ang distansiya patungo sa kinaroroonan nila. Kahit tila nakakapaso ang tingin ng kanyang tiyuhin na si Ashton Blumentrint. Nabura naman ang ngiti ni Amber nang tuluyan siyang makalapit. Kaagad rin itong napatayo mula sa pagkakaupo. Gumuhit sa mata nito ang pag-aalala. "Anong nangyari sa'yo?" Nakatuon ang atensiyon nito sa pasa ni Indigo sa kanyang bibig. Tila naman hinaplos ang puso ng lalaki sa pag-aalalang nahimigan niya mula sa dalaga. Kabaligtaran naman iyon ng nadama ni Ashton. Nagpupuyos sa galit ang kanyang kalooban
Humagikgik ang batang si Hyde habang sinisipat niya ang suot nilang mag-ama. "Twinning tayo papa." Malawak ang ngiti nito at nagniningning ang mga mata. Magkapareho ang suot nilang blue polo. Maging ang suot nilang pantalon at sapatos ay pareho-pareho sila. Napaikot na lamang ng mata si Amber matapos siyang lumabas sa walk in closet. Hindi niya lubos maisip kung anong trip ni Ashton Blumentrint at gano'n ang napili niyang damit para sa kanilang dalawa ng bata. Siya naman ay nakasuot ng kulay blue na off-shoulder maxi dress. Tila tuloy nagkaroon sila ng color coding. Hindi na natuloy ang pagsama nilang mag-ina kay Dark Indigo matapos ipagpilitan ni Ashton na mayroon na silang gamit na mag-ina sa loob ng bahay nito. Gusto niya sanang magwala pero ayaw naman niyang masaksihan iyon ng kanyang anak. "Tara na, naghihintay na ang Daddy Indigo mo sa labas." Nakuha naman niya ang atensiyon ng bata. "Mama, t
Narinig iyon ni Ashton Blumentrint. Tila sirang plakang nagpaulit-ulit iyon sa kanyang diwa."Please, Indigo. Ilayo mo kami kay Ashton."Napakuyom siya ng kanyang kamao. Nag-igting ang kanyang panga. Tumalim din ang kanyang mga mata.At ang matalim na titig na iyon ni Ashton Blumentrint ang unang bumungad kay Amber pagpasok niya sa loob ng silid.Pinanlamigan siya ng katawan. Awtomatikong nabitawan niya ang hawak niyang teddy bear at chocolate. Napaatras siya at tarantang tinungo ang pintuang kanyang pinasukan ngunit bago pa siya makalabas ay sumarado na iyon.Sinubukan niyang hilain iyon ngunit hindi na niya mabuksan. Lalo tuloy lumakas ang kabog ng kanyang dibdib. Nang lingunin niya si Ashton ay kitang-kita niya ang paglapit ng lalaki. Tila isa itong mabangis na leon na anumang oras ay lalapain siya."Ano ba?" Matinis siyang napatili nang masukol siya ni Ashton Blumentrint.Halos ibaon na niya ang sar
Awtomatikong napalingon si Amber sa pintuan nang bumukas iyon. Mula roon ay pumasok ang isang katulong, mahihinuha iyon sa suot niyang kulay dark blue na unipormeng pangkatulong. Nasa five flat lamang ang tangkad nito ngunit may kalakihan ang pangangatawan nito. Medyo may kalakihan ang hugis almond na mga mata nito. Natural na manipis ang kilay at hindi maayos ang ang arko. Hindi katangusan ang ilong nito na tulad ng typical na pinoy. Maamo ang bukas ng kanyang mukha. Larawan ito ng simple at mabait na Ginang. Walang emosyong bumalik ang tingin ng dalaga sa dingding ng silid matapos ang panandaliang pagsuri ng tingin sa babae. Aware naman siyang limang beses sa isang araw kung pumasok ang katulong upang bigyan siya ng makakain ngunit umasa pa rin siyang sa pagbukas ng pinto ay ang kanyang anak na ang papasok. Labis-labis na siyang nanabik na makita ito. At habang nadadagdagan ang araw na hindi niya ito nasisilayan ay tila lalo si
Flashback..... Pagkababa pa lamang ng sasakyan ni Ashton ay nakita na niya agad ang kanyang hinahanap. "Indigo, your father is very worried." Puno ng pag-aalala ang mukha nito. "Sorry, Uncle. Ngayon lang naman eh." Tinakasan kasi nito ang kanyang bodyguard at sumama sa mga kaklase niya. Na-engganyo itong sumama sa kanila dahil ang birthday celebrant ay hindi tulad niyang galing sa mayamang angkan. "I enjoyed the day, uncle. I never thought I could enjoy such kind of birthday party." Bakas ang galak sa mukha ng kanyang pamangkin. Napabuntong-hininga na lamang si Ashton. Naiintindihan din naman niya ito, dumaan rin naman niya sa gano'ng edad. "But for sure, pag-uwi mo ng bahay niyo, pagagalitan ka ng Daddy mo." "That's why I called you, uncle. I need your help." "Oh I got it!" Napangiti na lamang si Indigo. Aniya, the best talaga ang uncle Ashton niya. Hindi lang siya nagkaroon ng tiyuhin